مين بدوا ينضم لدرس طريقة صنع الشطة في البيت؟

ملاحظة هامة جدآ :
لما بدك تشتغلي بلحر الحد بتلبسي كفوف (قفزات ) ويفضل قفزات الجلي تكون جديدة لانو سميكة ومابتنخزق بسهولة حتى تتفادي الحر قبل البدء حطي على القفزات وانتي لبسيتهن قليل من الخل حتى تضمني التعقيم ممنوع تحطي كلوركس لانو بيعشق على القفازات ومش سهل التخلص منو

اما الحر نفس الطريقة بس بنحتفظ بلبزور والشروش حتى نغليهن مع الفليفة حتى ناخد كل الحر الحد منهن وفيكي تحطيهن بس تخلصي في مصفاة خاصة بلطبخ او ممكن بقطعة شاش او قطعة قماش من الموسلين
نظيفة ومعقمة بشوية خل وبتربطيهن كتير منيح حتى ماتنفتح اثناء الغلي بلطنجرة
ويصر البزر والشروش مع الفليفلة

من بعد التقطيع بحطهن بي محضرة الطعام البلندر او اي مطحنة عندك
وبطحنهن كتير فيكي تحطي نصف كمية الملح مع الطحن لانو بيسهل الطحن ونصف كمية الخل
وبحطهن بطنجرة ستنلس ستيل وبغليهن مع البزر الحريلي حاطينو بيمصفاة او بيشاش مربوطين
والملح والسكر والخل الكمية المتبقية
من بعد الغلي تقريبآ ساعة لانو كمية كبيرة مع التحريك كل شوية انتي كيف بتحبي سمكتهن بتغلي اكتر او اقل
على نار وسط ويفضل نحطحن بي طنجرة اكبر بكتير من الكمية لانو عند الغلي بيطرش متل الصلصات
بس خلصنا الغلي ممكن ازا بدك انعم بتحطي المكسر اليدوي العمودي
وبتنتبهي ماترفعي ايدك حتى مايطرش بلمطبخ كلو
ومن بعد الغلي والطحن بتشوفي انو اللون فاتح هيدا طبيعي بعدين بيرجع اللون بيغمق لون احمر كتير حلو
بيستعمل بلجميع الوصفات الكبة والطبخ
وما في ابدآ ابدآ طعمة خل
السكر حتى يعزز اللون
والملح للطعمة والتعقيم
والخل للحفظ الطويل والتعقيم
وبس يخلصو هني وسخنين دغري بعبيهن بي مراطبين على الأخر وسكر
حتى لما يبردو تماما بستعمل منهن
بس ملاحظة مهمة جدآ
لما ناخد من المرطبان لازم الملعقة نظيفة وجافة ممنوع تكون بي الطبخ ونحطها بلمرطبان هيدا بيفسد وبيعمل عفن
وبنحتفظ فيهن في خزانة المطبخ وبدون مانحط على وجه المرطبان زيت ابدآ مش ضروري لانو بيضل محتفظ بيحالو من الخل
والله والله صبايا انو انا عملتهن من تلات سنين انا فكرتي بلمقادير وفعلآ طلعو بيجننو وكل سنة بعمل وحتى بيكون عندي من يلي قبلها متل ماهني الطعمة واللون
والحفظ صبايا ازا بدنا فينا نخلي البزر والشرش الحد هيدا اختياري بس انا ما بفضل لاعجينة الكبة البزر بيصير يشقق العجينة من برة

هيدا الحر الحد

وضع ملح الخشن الخالي من اليود
او اي ملح بحري بس بدون يود ناعم خشن وسط حسب المتوفر عندكن

هيدا البزر الحر الحد انا بدي يكونو كتير حرين ومتل مابتعرفو الحر الحد يوجد بلبزر والشروش لاهيك انا غليتهن معاهن حتى اكسب الحدودية الزايدة لانو ماكترت كمية الحد
هيدا اختياري وممكن يكونو بي شاشة او اي قطعة قماش ( بيضاء ) ومغسولة بشوية خل او كلوركس بس من بعد الكلوركس كتير بدها غسل حتى نتخلص من الكلور

من بعد الغلي انا بدي هني اكتر انعم هون عم اطحنهن زيادة بي مكسر اليد اختياري لانو ازا حطيتهن مع العجينة الكبة ما بيشقق الكبة من برة ازا كانو كتير خشنين هيك احسن

هيدا من بعد ما بردو انا خليتهن شوية ليينين فيكن كل ماغليتو كل ما جمدو اكتر هون انا ساعة من بعد اول غلوة بس

هيدا المرطبان الصغير من السنة الماضية وهيدا كلو بس حر حد وعملتو مع البزر

شوفو هيدا بخزانة المطبخ مستعمل وبلى زيت على الوجه بس المهم ماينحط فيه ملعقة رطبة ولا فيها اثار الطبخ لانو بيعفن