الفطيرة اليافاوية باللحمة
صباح الخير صديقاتي
عملت الفطيرة اليافاوية بس شو الطعم خيااااااال وبطاطا منزلية مقرمشة ..يممممممممممي
دا كلام صديقتنا صديقة الصفحة عبيدة ادبيس…..
يلا معاها نشوف كيف سوتهم
اولا البطاطا المقلية:
البطاطا المقلية … قطعيها وحطيها بالمي نص ساعة تقريبا … بعدين صفيها ورشي ملح ونشا تقريبا معلقتين كبار يعني مش تغليف كامل ..واقليهم بزيت غزير اول اشي نص قلوة قبل يتحمرو بشوي اطفي النار اتركيها ربع ساعة وارجعي افتحي النار واقليها تتحمر …بتكون مقرمشة متل المحلات بالضبط
الفطيرة اليافاوية….
كاستين طحين ورشة ملح ومعلقة سكر ومعلقة حليب ناشف ونص كاسة زيت قلي واعجني بنص كاسة مي او اكتر شوي ..اتركيها ترتاح ربع ساعة لحتى نعرف نمدها … قطعيها دوائر وحطي زيت مكان الفرد وافردي كل دائرة بالطول وحطي اللحمة المستوية بالطول ولفيها بتتكون عندك اسطوانة وبتلفيها على بعض وحطيها بسدر مدهون زيت كتير وادهني الوجه زيت ورشي حبة البركة او هني الوجه بصفار بيضة ومعلقة حليب ومعلقة خل …
عمل اللحمة:
بصلة صغيرة على النار لحتي تقرب تستوي مع زيت زيتون بعدين بتحطي اللحمة وماح وبهار اللحمة بتحركي لحتى تستوي وبتحمصي لوز وبتحطيه على اللحمة واذا بدم شوية بقدونس