المندي بطريقة سهلة وجديدة
المندي من الاطباق الخليجية المميزة وكل ربة منزل بتضيفي عليه من لمساتها ليناسب أفراد الاسرة والنهارده بنقدم لكم طبق من المندي بطريقة جديدة وسهله وطعم زاكي من أيدين صديقتنا إيمان بالله
يلا معاها نشوف الطريقة:
مساكم ورد وفل
اليوم عملتلكم مندي بطريقه جديده وسهله وطعمها مممم كتتتتير زاكي ان شالله تعجبكم
بتجيبي الجاج وبتغسليه منيح بعدين بتقطعيه ولتعملي فتحات صغيره بالسكين بكل قطعه وبتبهري بملح وثوم وبصل وفليفله وحبه بندوره مبروشين ناعم و3معالق لبن ونص فنجان زيت زيتون وباكيت ماجي وانتبهي للملح وبتتركي الحاج بالخلطه شي ساعتين وبعدين بتفرمي بصله كبيره وثوم وشويه زيت وبتقلبي الجاج بس بدون صوص الخلطه يلي فوقه وبتضيفي جزر وبطاطا وفليفله وبتقلبهم منيح بعدين بتحطي صوص الخلطه وبتغطي الطنجره بورق قصدير وبتتركيهم على نار هاديه شي ساعه بعدين بتكوني سالقه الارز البسمتي بالملح وشويه زيت وهيل وبتسلقيه نص سلقه وبس يستوي الجاج بتشيله وبتقليه او بتشويه بالفرن
بتحطي الارز فوق الخلطه وبتتركيهم ليستو وبتحطي فحمه بالاخر
وبتقدميه وصحتين