مندي بالفرن على طريقتي
معكم صديقة زاكي المميزة الشيف هند علي
الطريقة:
بنغسل الدجاج بالملح والليمون والخل والطحين وبنقطعه وبنتبله…
التبيلة ملح فلفل بابريكا بهار مندي بهار دجاج سماق..توم بودر بصل بودر زنجبيل بودر..فنجان عصير لمون فنجان لبن فنجان صلصة فنجان زيت زتون …معلقتين خل خلي الدجاج طول الليل في التتبيلة او 3 ساعات اقل شي…..
هاتي طنجرة افردي فيها ورق السلفان وادهني زيت خفيف..ورصي الدجاج…..بالتتبيلة في قاع الطنجرة.. ..
وبتكوني محضرة رز المندي هو ن انا استخدمت للدجاجتين كيلو رز…قلبتهم مع بصلة في طنجرة تانية حوست البصلة وقلبت الرز وضفت رشة ملح و وفلفل اسود وبهار مندي وبهار رز وبابريكا قلبتهم 10 دقايق
وحطيت عليهم نص كمية المية المطلوبة يعني طبق رز بتحطي عليه طبق وربع مية وبيستوي نص سوا
وبتفرديه فوق الدجاج وبتيمري بالسلفان منيح حكمي الاغلاق بالسلفان ودخليها الفرن ساعة وربع وبالهنا الطعم بشهي في ناس بحطو فحمة لو انطبخ عالغاز بس انا هون ما حطيت لأني طبخته على فرن الطينة بيعطي ريحة الحطب
