طبقات الكراميل اللذيذة شو رأيكم
معكم صديقة زاكي المميزة الشيف Hiyam Alsawadi
اول شي استعملت قالب سيلكون لعمل هالحلا
المقادير:
٣ باكيتات كريم كراميل
١ لتر حليب = ٤ اكواب حليب
٢ ملعقه صغيره نسكافيه
٤ ملاعق صغيره كاكاو ساده منخول
الطريقه :
الطبقه الاولى كوب حليب مع ظرف بودره كريم كراميل وعالغاز مع التحريك المستمر لحتى تثقل شوي وبنصبها بالقالب طبعاً بدون دهن القالب اي شي
وبحطها بالفريزة دقائق لحتى تجمد بهذه الاثناء بكون جهزت الطبقه الثانيه
الطبقة الثانية كوب ونصف حليب ظرف بودره كريم كراميل ومعلقتين نسكافيه وعالنار الهاديه مع التحريك المستمر لغاية ماتثقل وبنحطها فوق الطبقه الاولى الي بتكون جمده شوي وبجهز الطبقه الثالثه بنفس الطريقة
الطبقة الثالثة كوب ونصف حليب وظرف بودره كريم كراميل و٤ معالق صغيره كاكاو ونكرر نفس الخطوات
وبنحطها بالثلاجة حوالي ٣ ساعة لتجمد وبنقلبها بكل سهوله وصحتين وهنا بتقدرو تحطو بين الطبقات بسكوت مغمس بالنسكافيه او الحليب
