كشري مصري على أصوله
معكم صديقة زاكي المميزة الشيف لينا عرار
الطريقة:
بنسلق كوب عدس اسمر بماي تغمروا وبنحط رشة ملح ومعلقة كبيرة كمون بنتركهم ليستوي العدس وبنصفيه من الماي وبنحتفظ فيها. بننقع 2 كوب ونص ارز بسمتي وبنحط رشة ملح بماء النقع لمدة نص ساعة.
بطنجرة بنحط الارز والعدس (ممكن نحتفظ بكمية من العدس للتزيين) بنحركهم ليتوزع العدس منيح ، بنحتاج 4 كوب ونص ماء بنستخدم ماء سلق العدس واذا نقص بنكمل ماء عادي وبنحط رشة ملح وشوية كمون وبنسكر الطنجرة لحتى يستوا.
بنسلق معكرونة بالشكل المفضل مع رشة ملح ورشة ورشى زيت نباتي. بنسلق حمص مع ملح وكمون بعد ما ننقعوا ليلة كاملة او بنجيب العلب الجاهزة.
بنقطع 3 حبات بصل كبيرة جوانح وبنقليها بالقليل من زيت الزيتون وبنحركهم ليصير لون البصل ذهبي. صوص البندورة: بنشوح بصلة ع الغاز مع شوية زيت وبنحط 4 حبات بندورة مقطعة و2 م ك رب البندورة مع ملح وفلفل اسمر بس يستوي الخليط ويبرد شوي بنخفقوا ع الخلاط.
الصوص الحامض : نخفق كوب من ماء سلق الحمص مع سن ثومة وعصرة ليمون ورشة كمون. بصحن التقديم بنحط الارز مع العدس ثم المعكرونة ثم البصل وبنوزع حبات الحمص وع الوجه البصل وصحة والف هنا.
