كيكة البرتقال وجبة كاملة متكاملة وصحية
معكم صديقة زاكي المميزة الشيف لينا عرار
الطريقة:
بننخل 2 كوب (المعياري) مع 1 م ك باكينغ باودر ورشة ملح (بننخلهم 3 مرات تكرار عملية النخل بساعد عتفريغ الهوا من الطحين). بوعاء الخفق بنخفق 4 بيضات مع معلقة صغيرة فانيلا وكوب سكر ناعم الحبيبات بنخفقهم من 5-10 دقايق ليفتح لون البيض
بعدها بنحط عليهم كوب الا ثلث زيت نباتي وبنخفق. بنسكب خليط الطحين على خليط البيض بالتدريج مع الخفق المستمر. اخر شي بنحط 1 كوب عصير برتقال فريش و1 م ك برش البرتقال.
بنوزع الخليط بقالب مدهون بالزيت ورشة طحين بشكل متساوي وبندخلوا عفرن محمى مسبقا (مهمة) تسخين الفرن مسبقا بساعد عتوزيع الحرارة بكل الفرن قبل دخول الكيكة
وبندخل القالب ع الرف الوسط عاخفض حرارة بتوخذ حوالي من 20_25 دقيقة بعد مرور هالوقت نختبر الشواء ونحمر الوجه وصحة والف هنا.
الصوص : ا كوب عصير برتقال فريش مع 1 كوب سكر بودرة و1 م ك نشا بنحطهم كلهم ع الغاز سوا وبنضل نحرك ليثقل الصوص (اذا كان ثقيل كثير ممكن تخفيفو بعصير البرتقال)
