كنافة التوست من مكونات متوفرة في كل بيت
معكم صديقة زاكي المميزة الشيف لينا عرار
كنافة التوست
بنفرم توست بدون نزع اطراف بمحضرة الطعام حتى يصير حبيبات ناعمة جدا ، بنذوب اصبع زبدة او اكثر حسب كمية التوست المطحون ، بنزل الزبدة ع التوست بالتدريج لحتى تصير عنا عجينة متماسكة نقدر نضغطها بقوالي الكب كيك.
لتحضير القشطة : كاسة حليب مع 3 معالق ونص كبار نشا مذوبين بنص كاسة ماي و4 معالق سكر كبار بنحطهم ع الغاز ليجمدوا بنشيلهم عن الغاز وبنحط عليهم علبة قيمر صغيرة وبنحرك بسرعة.
بقوالب الكب كيك بنحط عجينة التوست وبنخليها مرتفعة من الجوانب وبعدها بنحشيها بالقشطة وبنسكر التوست بالعجينة نفسها وبنحمرها بالفرن حوالي بتوخذ من 20-25 دقيقة عنار هادية وصحة والف هنا.
