الكبة الشامية تعلمها من أهلها وبالتفصيل الممل

الكبة الشامية تعلمها من أهلها وبالتفصيل الممل
معكم صديقة زاكي المميزة الشيف غالية جعمور

الطريقة:
ثلاث ارباع الكيلو برغل ابيض ناعم.
نصف كيلو لحمه هبره بدون دهن.
حبه بصل كبيره.
ملعقه صغيره فلفل.
نص ملعقه بهار.
نصف ملعقه فلفل احمر بودره.
ملعقتين صغار ملح.

نغسل البرغل اربع وجوه ماطولو عليها بالمي اهم شي يعني عطول اغسلي وصفي اربع مرات وتركيه اخر شي تصفي من ميتها بس تحسوها نشفت عنها المي. بماكينه الكبه الفرامه الناعمه نطحنها اول وجه.

تاني وجه نحطلا البصل والبهارات . ونفرمها كمان مره. ونرجع نفرمها مره تالته. الخطوه يلي بعدها جيبي اللحمه وحطيلا نص ملعقه ملح ونص ملعقه فلفل وادعكي اللحمه بايدك بعدين ضيفيها فوق البرغل وهون نعجن المكونات باليد لحتى تتجانس كل المكونات وتصير لون واحد.

العجن صعب فممكن تخلي زوجك او اي حدا يعجنها منيح ورح تلاقو صارت عندكم عجينه بتشهي وسهله التشكيل.

ريحيها شوي بالبراد وبعدين اعملوها اي نوع كبه. لما تفتحو الكبه لتحشوها يكون عندكم مي مدوبين فيه معلقه نشا تلكي اصبعك فيها لسهوله الفتح ولما تسكريها اذا لاحظتي في تشقق من بره ملسيه بالمي والنشا وماتكتري حشوه الكبه المقليه هالكميه بتاخد تقريبا كيلو لحمه او اقل بشوي.

نحط اللحمه عالنار مع شويه صغيره زيت وانضل انحركها كل شوي وقبل ماتنشف ميتها بضيف البصل بصلتين وسط ناعمه وبحركهم وبس تبلش تنشف ميتها انضيف سمنه وشويه زيت وملح وفلفل وبهار.

وانقلبهم لتنشف المي ونطفي عليه. وبس يبرد نضيف جوز مكسر وفستق حلبي حسب الرغبه ووممكن صنوبر مقلي اللبنيه. نفس حشوه المقليه بس اخر شي بضيف ربع كميه اللحمه دهنه يعني نص كيلو لحمه بدهم ربع او اقل كيلو دهنه.

انتو بتتحكمو بالدهنه عحسب رغبتكم اللبن طريقه طبخو نسلق رز قصير ربع كوب. كتير منيح ونضربهم بالخلاط مع مي سخنه شوي اللبن كيلو لبن بيضه. ملعقتين نشا كبيره وملح وانحركهم وبنفس علبه اللبن انعبيها مي مرتين وانضيفها فوق اللبن شوي شوي

وبعدين نشويها اللبن عالنار مع التحريك المستمر بس يغلي انزل الرز وانحرك ونثقب الكبه بنكاش الاسنان من الجهتين وانزلها باللبن مع التحريك بهدوووء من تحت بس مشان ضمان ماتلزق الكبه كل شوي نجي ونروح وانحرك

وبس تستوي الكبه نطفي عليهم احنا اذا متوفر عندك طرخون نوع من الاعشاب اغسليه وضيفيه للبن. ملاحظه الكبه بلبنيه لما نحشيها مانمليها عالاخر حشو. وسماكه الكبه لما نحشيها متل الكبه المقليه بس اسمك شوي صغيره كميه اللبن تقريبا تعمل ٣٥قرص كبه.

ملاحظة/ وقت القلي لازم يكون الزيت سخن منيح مشان ماتفرط الكبه