المسخن الفلسطيني على أصوله وبالتفصيل

المسخن الفلسطيني على أصوله وبالتفصيل
معكم صديقة زاكي المميزة الشيف Fatmah Abu Diab

طريقه عمل المسخن:
المقادير
2 دجاجتين متوسطات الحجم
2 كيلو بصل ناشف
نص كيلو زيت زيتون تقريبا أو أكثر شوي
ملح + فلفل اسود + سماق + لوز أو صنوبر أو التنين
مع بعض خبز مفرود أو شراك وهاد حسب الرغبه

الطريقه:
ننظف الدجاج جيدا نحضر الطنجره نضع فيها شويه زيت زيتون وبنفرم بصله فرم ناعم وبنضع قطع الدجاج وبنقلبهم جيدا وبنضع عليهم شويه فلفل اسود ورشه هيل واذا عندك ورقتين غار وبنخليهم لحد ما يستووا كويس ….

بنقشر البصل وبنفرمه فرم متوسط وبهذي الاثناء بنضع طنجره على النار وبنضع فيها كميه الزيت زيتون وبنحط البصل على الزيت وبنضل نقلبه لحد ما يتذبل نضع عليه رشه ملح ومعلقتين أو ثلاث سماك وبنحركه شوي على النار لحد ما يوخذ البصل طعم السماق .

نرفع البصل من الزيت في صحن كبير والزيت المتبقي بنضع فيه قطع الدجاج ونقلبها بالزيت لمده خمس دقائق حتى ياخذ الدجاج لون السماك وطعمها وبعدين برفع الدجاج وبنضعه في صينيه جانبا باقي الزيت بنضع عليه كاسه أو كاستين من شوربه الدجاج حتى نشرب الخبز منها بنكون مجهزين الوز أو الصنوبر محمرينه بشويه زيت .

هسه بنجيب رغيف بنحطه بسدر وبنشربه بالزيت إلى حطينا عليه الشوربه من الجهتين وبندخله عالفرن من تحت وبنشفه من الجهه الأولى وبنلفه وبنشف الجهه الثانيه بعدين بنوخذ الرغيف وبنضعه في سدر ثاني وبنفرد عليه كميه من البصل وبنرش رشه سماك مع شويه من الوز أو الصنوبر

وبعيد الكره مع الرغيف الثاني والثالث والرابع الكميه إلى بدك اياها بتقدري تزيدي الكميه وبتحطيهم فوق بعض في كل مره بنفردها شويه بصل ورشه سماك وشويه لوز أو صنوبر آخر رغيف كمان بنحط باقي البصل والوز والصنوبر المتبقي على الوجه ورشه سماك بعطيه منظر جميل بعدها بدخله على نار هادئه لمده نص ساعه

وبعدها بحمر الوجه شويه وصحتين وعافيه ممكن تقدمي معه شوربه شعيريه بتعمليها من شوربه الدجاج المتبقيه أو بتقدري تحطي شويه فريكه وبتقدمي كمان معها سلطه الخيار بالبن الزبادي وصحتين

طريقه عمل الخبز العربي المفرود
المقادير ؛
كيلو طحين
2معلقتين خميره كبار
1معلقه سكر كبيره
ماء فاتر للعجن

الطريقه؛
نضع جميع المكونات الجافه في جاط عميق ونضع عليه الماء ونبداء بالعجن لحد ما تتجانس المكونات جيدا وتتكون العجينه ويجب أن تكون رخوه شوي وبنعجنها كويس وبنغطيها بقطعه نايلون وبنتركها في مكان دافئ لحد ما تختمر يعني بدها نص ساعه أو ساعه حسب الجو

بس تختمر بنقطعها وبنعملها دوائر على شكل كوره وبنصفتهن بسدر وبنغطيهن وبنحمي الفرن وبنوخذ قطعه قطعه وبنفردها من الجوانب على السدر

وبعدين بنكمل فردها على ايدينا لحد ما تشوفيها فردت كويس بنفرشها بالفرن في الطبقه العلويه لحد ما يتحمر قاع الرغيف بعدين بنزله تحت حتى يتحمر وجه الرغيف وبعدين بنعيد الكره بالرغيف الثاني وهكذا لحد ما نخلص الكميه الموجوده عندنا وصحتين والف عافيه