معمول السميد مش رح اقدر اعبر الهشاشة و اللزازة و الريحة اللي عبت كل البيت

?

?

?

?معكم صديقة زاكي المميزة الشيف Sarah Yousef

معمول بالسميد ?
المقادير:
3 أكواب سميد ( ناعم)
كوب وربع دهن( سمن أو زبده أو خليط منهم)
كوب طحين
ربع كوب سكر بودرة
نص معلقه صغيره محلب
ربع كوب ماء زهر
دقه الكعك( و يفضل أن تحمص و من ثم تطحن بالبيت)
حليب سائل دافئ للعجن ( مافي مقدار معين بس لتمسك معك و تصير عجينه شبه طريه)
نص معلقه صغيره خميره

الطريقه:
1. يبس السميد و الطحين بالسمن و الزبده لمده ليلتين أقل شي مع فرك السميد مرتين باليوم.
2. بعد البس نضيف الخميرة إ بهارات الكعك و المحلب و السكر و بعجن بماء الزهر و الحليب الدافئ بتتشكل عجينه شبه طريه ( ضروري تكون شبه طريه) و تغطى لمده 45 أو 50 دقيقه تقريبا و من ثم نبدأ بالشغل.
3. تحشى بالحشوة المفضله و تخبز على فرن درجه حرارته وسط 190 من تحت و من ثم من فوق
4. يرش بالسكر الناعم عند التقديم أو عندما يبرد تماما.

الحشوااااااات:
1. تمر معجون مع زبدة وزيت زيتون و رشه من بهارات الكعك و هيل و قرفه.
2. جوز أو فستق حلبي مطحون خشن و معجون مع قطر ثقيل و قليل من ماء الورد أو الزهر.
3. ممكن راحه ( الحلقوم).
4. مشمس مجفف مقطع مخلوط مع القليل من مربى المشمش و معلقه ماء زهر

ملاحظات :
1. عمليه البس ممكن تكون 12 ساعه ، بس زيادة البس بتعمل على تفتح حبات السميد بشكل أفضل لهيك انا بفضل من يومين ل 5 .
2. لا يفضل وضع الزيت النباتي للوصفه.
3. يفصل تحميص البهارات و من ثم طحنها و شوفي الريحه شو قويه و شو رح تعبق ريحه البيت ?
4. عمليه العجن لازم تكون خفيفه مو عجن كتير فقط تجميع للمكونات،، لأنه زياده العجن بتيبس العجين.