المقادير

• 2 كاسه طحين ابيض نوعيه جيده
  1 كاسه نشا
  1 كاسه سكر ناعم بودره
  بكيت زبده يفضل لورباك حجم 227 غرام
  1 بيضه واحده كبيره شوي
  معلقه كبيره فنيلا

الخطوات

في وعاء عميق نخفق السكر والزبده جيدا بعدها نضيف البيضه مع الفنيلا ونخفقهم جيدا لحد ما يصيروا زي الكريما

وبعدها بكون خالطه الطحين والنشا مع بعض وبنخلهم وبصير احط شويه شويه على الخليط السابق وبعجنهم بمعلقه كبيره أو بمعلقه خشب لحد ما يختلطوا جيدا بتتكون عنا عجينه طريه وهشه مش ناشفه حتى تساعدنا عندما اكبسها بقالب البسكويت أو قالب البيتيفور أو بكيس لكريمه بعملها وردات زي إلى بصوره

بكبسه بسدر الخبيز بدون ما ادهنه أي شي لانه ما في داعي لدهنه العجينه فيها زبده وبخبزه على نار متوسطه جدا ما بخليه لحد ما يتحمر كتير يا دوب يكون اشقر وبحمره كمان يا دوب شويه ما بتحمر كتير بنحرق وبطلع شكله مش حلو

ولما يبرد بزينه بالشوكلا أو بحشيه بالمربى الفراوله أو مربى التفاح وبلفه بجوز الهند أو بالفستق الحلبي المطحون يقدم بارد مع القهوه في الاعياد والمناسبات السعيده وصحتين والف عافيه للجميع

ونصيحه لوجه الله إلى بتحب تجربها مش راح تندم الطعم خيال