كبيبة بالفرن وكتيرررر زاكي وطيبة بتمنى تنال إعجابكم
كبيبة بالفرن وكتيرررر زاكي وطيبة بتمنى تنال إعجابكم
معكم صديقة زاكي المميزة الشيف Rawan Alhomseya
الطريقة:
بقلي بطاطا مقلية دوائر وبحطها بالصنية بعدين بحط بالطنجرة بصل وفليفلة خضرا وفليفلة حمرا وبحمسن بزيت تدريجيا بعدين بحط بندورة مترومة ومعلقة بندورة يابسة وبغليهن شي ربع ساعة كلن سوا…
بكون عاملة لحمة ناعمة ومتبلتها بفلفل وفليفلة وملح وكزبرة وبحط معها ثوم مهروس وبشكلن مواس وبقليهن نص قلية بزيت حامي…
بعد ماخلص بحط قسم من البندورة فوق البطاطا وبسطر فوقها المواس وبرد بحط فوق المواس بقية كمية البندورة بحيث تغطيهم كلهم مشان اللحمة ماتطلع قاسي بالفرن وتنشف هيك بضل طرية ومتشربة من مرقة البندورة وبحطها فرن تقريبا نصف ساعة لان الكل مستوي سابقا بعد ماطالعها من الفرن بجمع كمية البندورة الاولى في الوسط مشان تبين المواس وبرش فوقها بقدونس واسفة عالإطالة وصحة ومية هنا