دجاج بروستد مقرمش قرمشة على طريقة كنتاكي

الطريقة:
دجاج دبابيس نعملا شقوق بالسكين
1 ملعقة كبيرة بهارات بروستد
1 ملعقة صغيرة بودرة ثوم
1 ملعقة صغيرة زنجبيل
1 ملعقة صغيرة بابريكا حمراء
2 ملعقة كبيرة خل
2 ملعقة صغيرة نشاء الذرة
1 ملعقة صغيرة هيل ناعم
ربع ملعقة صغيرة فلفل أبيض
ملح حسب الحاجة / رشة فلفل أسود
4 ملاعق لبن زبادي / 4 فصوص ثوم مدقوق
لتغطيس الدجاج: طحين / 2 بيضة

نغسل الدجاج ونعمله شقوق بالسكين حتى يصل الاستواء لداخل الدجاج
نضع البهارات السابقة وندهن بيدنا كل دبوس دجاج ونحاول ندخل الثوم لداخل الشقوق
ونتركهم يتخمرو 3 ساعات… وفيكم تتركوهم لتاني يوم بالبراد.. وهي الخطوة اسمها☆تخمير☆

☆بالنسبة للتطحين☆
نحضر طحين مخلوط بالبهارات ونغطس قطع الدجاح بالطحين لتنشف قطع الدجاج من التتبيلة بعدين بالبيض بعدين بالطحين وعالزيت الحامي
نقليهم على نار وسط بعدين نقوي شوي النار ونقلبهم كل شوي حتى ياخدو لون واحد بعدها نوطي شوي النار مشان يطلعوا مقرمشين
وتقدم مع المايونيز والبطاطا والمخلل وصحة وهنا…