كبة على أصولها وأمانة تترحمو على ابني ويصبرني على فراقه

كبة على أصولها وأمانة تترحمو على ابني ويصبرني على فراقه
معكم صديقة زاكي المميزة الشيف  ‎Moyser Hamed Om Ali‎
عملت كبه والحمدلله طلعت طيبه كتير وطعميت منها والجميع ترحم على ابني الله يرحمه ويجعله من اهل الجنه و يصبر القلب على فراقه

 الطريقة:
انا عملت تلات كاسات برغل ناعم نقعتهم في مي عشر دقائق وبس شربو المي فركتهم بايدي منيح وكانو صارو ناشفات وشاربين المي كاسة لحمه ناعمه جبت راس بصل وحطيتوا بالخلاط

طحنت البصله وطحنت البرغل مع اللحمه مرتين طحنتهم وبس خلصت حطيت عليهم كمون وفلفل اسود وملح وشوية قرفه وعجنتهم منيح بايدي وصارو زي العجين بغطيهم بقماشه احسن ما ينشفوا

بعمل الحشوه بصلتين بفرمهم ناعم بقليهم مع زيت ونص كيلو لحمه ناعمه حمره وبكون قاليه الصنوبر قبل ولس تدبل البصل بحط اللحمه وبقليهم مع بعض بحط عليهم ملح قرفه كمون فلفل اسود والصنوبر الي قليتها وبحركهم مع بعض على النار وبطفي النار وبستى لتبرد

لما احشيهم بحط صحن مي فيو معلقة نشا لما احشي الكبه بحط ابدي في زيت الحشوه وببلش اعمل الكبه باصبعي زي الي بنقرها وبس تصير رقيقه ببحط اصبعي في المي الي فيها النشا وببلش اعمل بحبة الكبه وايدي دايما بحطها في صحن النشا وانا بعمل حبة الكبه النشا ليمنعها تتشقق وتفتفت لحبة الكبه وبخليها مقمرمشه

وبس اخلص الكبه بحطها في الفريزر عشر دقائق على بين ما احمي الزيت ولما يحمى الزيت مظبوط ببلش اقلي فيهم والزيت حامي كتير وصحه وهنا الكبه. هاي الطريقه.