انجح طريقة للبسبوسة و من أول مرة

انجح طريقة للبسبوسة و من أول مرة
معكم صديقة زاكي المميزة الشيف  Feras Ahmed 
لكل اللي عملت بسبوسة و فشلت معاها أحب أقولك جربي المرة دي و مش هتندمي أكيد إن شاء الله

الطريقة:
في إناء نخلط مع بعض 200 جم سمن (كوب) + كوب سكر ……و نخلطهم كويس مع بعض بمضرب كهربائي(و ممكن باليد ) ثم نضيف نص كوب عسل جلوكوز + كوب إﻻ ربع جوز هند + كوب لبن (200 مل)….

و نخلطهم كويس أوي وآخر حاجة نضيف نص كيلو سميد (3 كوب)…..و نخلط لحد ما كله يبأة قوام واحد. * ندهن صينية كبيرة أو 2 صينية مقاس 22 سمن مع ملعقة طحينة و نصب الخليط في الصينية و نخبطها كم خبطة حلوين علشان الخليط يتساوي ثم نرش ملعقة لبن ع الوش و نوزعها كويس علشان الوش يتحمر كويس….

و بالسكينة نحدد مربعات (نحدد فقط مش نقطع) و لو حابة اضافة لوز او بندق في المربعات و ندخلهاالفرن. * السيرب: ع النار كوب و نصف سكر مع 3 كوب ماء و لما تغلي نضيف عصرة ليمون أو ذرة ملح ليمون و نص كوب عسل جلوكوز و يغلو كم غلوة و نطفي النار و نضيف فانيللا.

مقادير السيرب مظبوطة جدا لمحبي الحلويات متوسطة السكر….و يمكن زيادة مقدار السكر حسب الرغبة *نسقي البسبوسة الساخنة بالشربات الساخن……..و بالهنا