كيكة بالبودينج زاكية بشكل مش طبيعي ولو سمحتوا شجعوني

كيكة بالبودينج زاكية بشكل مش طبيعي ولو سمحتوا شجعوني
معكم صديقة زاكي المميزة الشيف الموهوبة  Sanaa Dalal

كيكة بالبودينج
بتعملي كيك كروكر الجاهز وبس تطبقي الكيكة دخليها الفرن على حراره 300عنا باميركا و 180 بالبلاد وبس تنفخ بتوطي النار لتستوي مزبوط وما تتحرق

بتستني لتبرد الكيكة بتعملي فيها خزوق بالسكينة وبتشربيها يا اما قطر خفيف او عصير فواكه

وبعدين بتذوبي كيسين بودينج مع كاسة حليب ومعلقتين فيلاديلفيا وعلبة لبن عادي وسكر حسب ما بتحبي بتحركيهم منيح وبتغليهم على النار ليشتد الخليط وبتذوبي معلقه صغيره جيلاتين مع نص فنجان قهوه مي وبتسخنيه على النار شوي وبتحطيهم على الخليط

بنشيل الطبقه الفوقانية اللي بالكيكة وطبعا بنكون شربناها بالسيرب او العصير وبتضل موجودة بقالب الكيك وبندير البودينج فوق الكيكة وبنخلط علبة قشطه مع نوتيلا وبنحطها على الوجه وبنزين ببقايا الكيك او اَي كوكي عندك طريقة التزيين على زوءك وبتبرديها منيح وبالعافيه