كبسة سعودية على أصولها عارفة ما حدا راح يشجعني
كبسة سعودية على أصولها عارفة ما حدا راح يشجعني
كبسة سعودية بالفواكه المجففة على طريقتي
بعرف انو بتشجعو بس الكيك و الحلويات لكن بتمنى تدعموني بتعليقاتكم الحلوة
معكم صديقة زاكي المميزة الشيف Samar Chahine
الطريقة :
ننقع الدجاج لمدة ساعتين اذا كنّا بدنا نشوية مع عصرة ليمون ( حامض و بهارات الكبسة) بهارت الكبسة جاهزة موجودة بالسوق واكيد رشة ملح وبنشوي الدجاج بالفرن على درجة حرارة ٢٠٠ لتحمر
طريقة الرز:
بنغلي مي مع رشة ملح و زيت و ملعقة بهارات الكبسة تكون مليانة و بنسلق الرز بعد منغسلو كتير منيح و نصفيه
قبل ما يستوي الرز بشوي بنشيل من كوب المي اللي سلقنا فيها الرز وبنصفي الباقي
بنقلي الفواكه المجففة بالزبدة
بتحبو تخلو كامل او مقطع حسب الذوق
وبنخلط الفواكه مع الرز و بنضيف الكوب الي شلناه ع جنب وبنشوف ازا بدا اضافة بهارات او ملح بنزيد وبنقلب الكل و بنتركن خمس دقايق ع نار خفيفة و بنطفي النار و بترك الطنجرة مغطاة شي عشر دقايق بنحرك قبل التقديم و يزين بالدجاج المشوي و المكسرات المحمصة
وألف صحة