طريقة رز القدرة الخليلية الاحترافية
معكم صديقة زاكي المميزة Nesreen Harara
طريقة رز القدرة:
بننقع رز حبة طويلة حسب الكمية المرغوبة انا استعمل رز الياسمين وبعدين نقطع ثلاث بصلات كبار بشكل طولي ونقطع خمس ضروس ثوم ونجيب راس ثوم نفرطه بدون ما نقشره ونغسل فصوص التوم من بره بس
وبعدين نقلبهم بزيت لحد ما يشقرو وبعدين نضيف مرقة اللحمة حسب كمية الرز كل كاسةرز بدها كاسة ونص مي ونتركه يغلي نص ساعة حتى تستوي البصل والتوم ونضيف عالمرقة ملح وبهار قدرة وعصفر كمية وفيرة كل كاسة من الرز بدها معلقة كبيرة عصفروفلفل اسود ورشة هيل مطحون وبهار عادي
وبعدين نضيف للمرقة كاس حمص حب مسلوق وجاهز بس يغلي غلوة بنرفع كاس من المرقةالمبهرة يلي غليت عجنب ونضيف بدلها كاس مرقة ونضيف الرز ونتركه عنار هادية ليستوي بس يجهز نحط عالوجه معلقة كبيرة سمنة او زبدة للنكهة
واللمعة هلق بحط اللحمة المسلوقة بصينية و الكاس الي شلناه من المرقة المبهرةبصبه فوق اللحمة ونحطها بالفرن لحتى تاخد لون وتتنكه وبنصب الرز وفوقه اللحمة وبنزين باللوز وشوية بقدونس مفروم وراح يطلعلك اطيب قدرة بالف هنا عقلبكم
