المقادير

• 2 كيلو سميد وسط
  3 كاسات سمنه
  1 معلقه كبيره خميره
  2 معلقتين كبار كركم
  الحشوه/
  كيلو سكر عادي .
  3 معالق قرفه ناعمه دارسين
  2كاستين جوز الهند
  1 كاسه جوز عين جمل مفروم خشن شوي
  ممكن لنكهه القويه إلى بحب يضيف معلقه حلبه مطحونه وممكن الاستغناء عنها

الخطوات

ناتي بالسميد بنرفع 3 ثلاث كاسات منه في وعاء ثاني عشان الحشوه

بعدين بناخذ الباقي بنضع عليه الكركم وبنسيح السمنه وبنحطها على السميد وبنبس السميد جيدا نضع معلقه الخميره وبنذوب 4 معالق حليب ب 2 كاستين الي 3 ثلاث كاسات ماء فاتر شوي وبنعجن الخليط فيهم وبنتركهم على جنب لحد ما نجهز الحشوه

الحشوه نضع 3 ثلاث كاسات السميد إلى اخذناهم من 2 كيلو بنضع عليهم جوز الهند وعين الجمل والقرفه وكيلو السكر وبنعجنهم بشويه حليب تفتول مثل عجينه الكعك ما بنكتر حليب يا دوب بس بدنا نرطبهم ليختلطوا مع بعض مش ينعجنوا

نأتي بالسدر نضع نصف العجينه ونفردها طبقه أولى وبعدين نضع عليهاالحشوه ونفردها جيدا مع الضغط عليها جيدا حتى تتماسك مع بعض ناتي بباقي العجينه الأولى ونفردها قطعه قطعه على كيس نايلون ونضعها على الوجه حتى ننتهي من فردها على الوجه كامل

بنكشها بملقط الكعك او بالشوكه نتركها ترتاح تختمر نص ساعه وبعدها بنخبزها على نار متوسطه الحراره بس نتاكد أنها ستوت من تحت من خلال الاطراف بنحمر الوجه

وبس تخلص بنشربها شويه قطر حسب رغبتك وممكن الاستغناء عنه زي ما بتحبي بس مع التجربه مع القطر ازكى شوي لانه بعطيها طراوه وتماسك وصحتين والف عافيه