كيكه اسفنجيه وهشه وريحتها معبيه البيت كله

‎‎كيكه اسفنجيه وهشه وريحتها معبيه البيت كله
معكم صديقة زاكي المميزة الشيف الموهوبة  شروق الشمس
 ومقاديرها سهله كتير وغير مكلفه وخبزتها على الغاز العادي مو بالفرن هلاء جهزتها ولساتها سخنه وبكره رح ازينها ادعموني حتى اعطيكم طريقتي …..

المقادير:
6 بيضات و3 كاسات طحين و4 ملاعق كبار بيكنج باودر و4 ملاعق فانيلا ملعقتين كبار نشا وملعقة صغيره كربونه وملعقة عصير ليمون وكوب ونصف سكر وكوب عصير برتقال ونصف كوب زيت ذره…طبعا حجم القالب عندي كبير …..

الطريقه:
اول شي بنفصل البياض عن الصغار اول شيء بخفق الصفار مع اضافة السكر تدريجيا والفانيلا وعصير الليمون بخفق على سرعه عاليه حتى يصبح المزيج كريمي

وبعدها بضيف عصير البرتقال وبخفق وبضيف الزيت شوي شوي وبخفقه وبنخل لطحين والنشا والبيكنج باودر والكربونه 3 مرات وبضيفهم على دفعات لخليط السكر والصفار لمدة 5 دقائق

واخر شيء بنضف الخفاقه وبنشفها كتير منيح وبخفق البياض مع ذرة ملح حتى يصبح متل لكريمه ويكون ناصع البياض

وبضيفه فوق خلطة الكيك على دفعات مع التقليب شوي شوي بملعقه خشبيه من تحت لفوق حتى يتجانسوا سوا

ويجيب قالب مدهون زيت وطحين او ورق زبده ويضيف الخليط براحه وبغطي القالب بالغطا يلي ابو وبحطه على الغاز لمدة 50 دقيقة على نار هاديه جدا وما بشيل الغطا عنو قبل مرور نصف ساعه بلاش يهبط الكيك وصحتين وهنا