جبتلكن دبس الرمان البيتي متل الجاهز شجعوني تعبت في الشرح

جبتلكن دبس الرمان البيتي متل الجاهز شجعوني تعبت في الشرح
معكم صديقة زاكي المميزة الشيف Oumaima Hakim

مساء الخير صبايا كل فترة بنزل شي هون ومابلاقي تفاعل بهرب وبغيم وبرجع بلاقي زاكي كل مانو بيحلى اكتر واكتر بيرجع وبيحلى بعيني بقى هلمرة لاتخجلوني
جبتلكن دبس الرمان البيتي متل الجاهز (التجاري )
انا عندي كان رمان لقيتو حامض لفاني الت ليش يروح هدر وما بيتاكل هيك بنعمل وبنستفيد منو ٠٠٠٠٠٠
عصرتهن طلعو بلزبط 6 اكواب وصفيتهن كتير منيح بيمصفاية ناعمة او بي شاشة او قماش موسلين متل قماش البرادي الشفاف او منديل

6 كوب عصير رمان
كوب ونصف سكر
كوب ونصف عصير حامض طبيعي مصفى

الطريقة :
نغسل الرمان ونشفو منيح ونعصرو او بعصارة الحامض اليدوية او عصارة الكهربائية او بنحطهن بي خلاط الكوكتيل من بعد مانفرطو او بي مطحنة اليدوية المولان تبعت الحمص او الباذنجان او يلي بنعمل فيها الفلافل او عجزنا مافي بحطهن يمصفاية
وبتبلشي تعفيس بليد  بعدين بتحطهن بي مصفاة بنتخلص من البزر فقط

اد مافينا بنعطرهن من عصير الرمان وبصفيهن بي مصفاة ناعمة وبكيلهن بلكوب اي كوب عندك بتكيلي فيه كل المكونات لكل كوب من عصير الرمان ربع كوب من عصير الحامض  وربع كوب من السكر  بحطهن بيطنجرة ستنلس ستيل وبذوب السكر منيح بلعصير و الحامض على النار حتى يغلي

وبس تطلع الرغوة بشيلها لازم لانو ازا بضل بتفسد الدبس وبخفف النار تحتهن حتى يغلو وكل ما بتطلع الرغوة الريم  بشيلها وبحرك هيك حتى تصير الكمية تقريبآ النصف بتجربي بي صحن ازا بردو بتشفيهن صارو متل القطر بطفي وبس شوية تهداء الحرارة بتعبيهن بي قناني نظيفة وناشفة

صبايا ملاحظة :
وصفي الآصلية بتخوف شوية فيها شغل كتييييير ووقت طويل لانو بياخدو الرمان وبلمضرب الخشب بيطرقو عليها لانصف الحبة حتى تهر الحبات وبيعصرو بليد وهات ياعرك وشو بلصناديق بيكونو عامليين

وبيعصرو وبيمرتو وبيصفو وبعدين بيحطو بي طناجر نحاس وبس غلي غلي غلي لا تتقلص يعني عدو فوق الست ساعات غلي الكمية بدون اي شي ولا شي لاحامض ولا سكر وبيشيلو الريم كل شوية وبيتبخر بدو وقت لانو مافي شي بيمسك متل التجاري بلسكر والحامض ولا التجاري حامض الليمون