المقادير:
4 بيضات
القليل من بشرة ليمون
ملعقة كبيرة فانيليا
كاسة ونص سكر
كاستين طحين
ملعقة كبيرة باكينج باودر
نص كاسة زيت نباتي
نص كاسة ماء دافيه
الطريقة:
– 4 بيضات مع القليل من بشرة ليمون ظرف فانيليا وكاسة ونص سكر عالخلاط أو بالمضرب الكهربائي بتضربيهم.
– وبتحطي بصحن بيركس كاستين طحين منخولين مع ظرف باكينج باودر وبتضيفي الخليط فوقهم وبتحركيه بعدين نص كاسة زيت نباتي وبتحركيه بعدين نص كاسة مي دافيه وبتخفيقهم منيح.
– بتسكبي 3/4 الخليط بصينية مدهونة زيت ومرشوش بقلبها طحين وبتضيفي للربع الباقي ملعقة كبيرة كاكاو وبتحركيه كتير منيح حتى يختلط الكاكاو.
– بعدين بتوزعي الخليط اللي نتج معك عالخليط اللي سكبتيه بالأول وبوساطة عود خشبي بتعملي دوائر بالصينية وخطوط وكأنك عم تقطعي الكاتو لمثلثات.
– وبتحطي الصينية بفرن حامي درجة 160 لمدة ساعة.
– وبس طلع وبرد انتي حرة شو مابدك زينيه, أنا دهنتو بالكريما وهي عبارة عن نص كاسة حليب ضربت معها موزة و4 حبات فراولة بعدين ضفت ربع كاسة كريما وخفقتها بالمضرب طلعت بتجنن ودهنت القالب ورشيتو بقشر اللوز او اللوز المقشور وصحة وهنا.
لمتابعة أشهى الوصفات من الحلويات والمأكولات بكافة أشكالها, تابعونا على جروب “زاكي”:
كيكة بسيطة وسهلة