المقادير

• خاروف صغير وزن 10 كيلو، علبة لبن نص كيلو والبهارات مذكوره بطريقة العمل ،كيلو لحمه خشنه ،3 بصلات للرز وبصلتين للخاروف،10 اسنان توم،زيت دره ،2 كيلو رز بسمتي منقوع .

الخطوات

بسم الله اول شي بتبشري بصلتين كبار وبتدعكي الخاروف فيهم من جوه ومن بره وبتتركي نص ساعه بتغسلي منيح منيح وبتنشفي من بره وجوه وبتفردي نايلون (كيلينفل)عدة طبقات على قد الطاوله كامله بتحطي الخاروف فوقها وبتجيبي سكين وبتعملي شقوق باللحم وبكل شق بتحطي شرحة توم كبيره

بعدين بتحطي علبة اللبن بزبديه بضيفي عليه معلقه كبيره بهار مشكل ومعلقه كبير قرفه ومعلقه كبيره هيل مطحون ونص نعلقه كبيره فلفل اسود ومعلقه صغيره كركم ومعلقه صغيره زنجبيل مطحون ومعلقتين ونص كبار ملح بتحركيهم منيح وبصله صغيره مبشوره1 وبتدهني الخاروف بالخلطه من جوه وبره منيح وبتسكري النايلون حواليه منيح وبتحطي بالتلاجه لتاني يوم .

الحشوه بتقلبي بصل نفروم ناعم مع اللحمه الخشنه وبهارات وبس تستوي بتضيفي الرز المنقوع والملح ومكعبين ماجي والمي المغليه وبتوطي لحد ما يستوي تلات ارباع استوى بتطفي عليه وبتتركي يبرد شوي وبتحشي بالخاروف وبتخيطي بالميبرا وبتجهزي ورق قصدير على شكل +طباقات كتير كتير قوق بعض مو اقل من 20 بكل جهه حتى يتحمل وزن الخاروف وبتلفي حوالين الخاروف

وبتشغلي الفرن على اعلى شي عندك بالفرن بتحطي صينيتين كبار عصاجة الفرن فيهم مي وورق غار وعيدان قرفه وهيل حب وفوقهم مباشره بتحطي رف الشبك وبتقعدي الخاروف عليه بتخلي اول ساعه عالحامي

بعدين بتوطي ل 240 بدو من 5-6ساعات وكل فتره اتفقدي الصواني ضيفيلها مي وما بتقلبي الخاروف ولا بتكشفي ولا شي لبعد ال5 ساعات بتغزي سكين من بره باللحم حسيتي مستوي افتحي القصدير واتاكدي بكون متحمر وخالص ما بحتاج تحمير بتقدم جمو خيار بلبن وسلطات وصحه وهنا اسفه التصوير قبل ما يكتمل التزيين