المقادير:
٣٠٠ غم عجينة كنافة
قالب وربع أو ونص جبنة عكاوي تشيكي محلية حسب قديش بتحبو كمية الجبنة مخلوطة مع ٣ حبات جبنة نابلسية محلية سمنة أصيل وسمنة QBB
ربع ملعقة صغيرة صبغة كنافة بودرة
قطر
الطريقة:
– بأضع عجينة الكنافة بالفريزر لحتى تجمد بطلعها وبكسرها تكسير حسب الحجم المطلوب وبتركها تذوب.
– بسيح معلقتين كبار سمنة نص بنص من سمنة أصيل وسمنة QBB وبضيفهم على الكنافة وبفركها عالخفيف بطراف الأصابع لحتى تتوزع السمنة مزبوط على كل العجينة.
– بحضر الصينية اللي بدي أخبزها فيها (قطر ٣٥سم)، وفي زبدية متوسطة بحط معلقتين كبار سمنة أصيل ومعلقة QBB وربع معلقة صغيرة صبغة وبحركهم مزبوط لحتى تتوزع الصبغة على كل السمنة وبفضيهم في الصينية وبفردهم بحيث تكون السمنة مغطية كل قاع الصينية بدون فراغات، وإذا كان في فراغات بتزيدي شوية سمنة وبتوزعيهم مزبوط.
– بتوزعي عجينة الكنافة فوق السمنة بحيث يكون مستواها متساوي من جميع الجهات وبتبلشي تكبسيها بكف إيدك أو بصينية صغيرة أو أي شي مسطح ولازم تتكبس مزبوط.
– بتوزعي الجبنة المفتفتة فوق الكنافة وبتخلي مسافة ١سم على الداير فاضي لإنه الجبنة بتسيح وإذا لامست بطرف الصينية بتنحرق وبتعطي طعم سيء جدا.
– بتكوني محمية الفرن على درجة ١٨٠ وبتدخلي الصينية على قاع الفرن وبتخليها ١٠ دقايق بعدين بتلفيها شوي وبتخليها كمان ٥ دقايق وبتلفيها وبتخليها كمان ٥ دقايق، يعني بدها ٢٠ دقيقة تقريبا، وهزي الصينية شوي وإذا تحركت كلها قطعة وحدة بتكون جاهزة.
– بتقلبي الكنافة مباشرة في سدر أكبر من الصينية وبتكون مجهزة القطر (كوبين سكر وكوب مي وعصرة حامض ورشة صغيرة صبغة كنافة) ولازم يكون بيغلي وبتوزعيه عليها وبترشي فستق حلبي عالوجه وصحتين.
ملاحظة:
هذه هي الجبنة العكاوي بتكون قوالب مربعة متل الصورة كل قالب بكون وزنه نص كيلو تقريبا، والنوع الكويس تشيكي:
لمتابعة أشهى وصفات الحلويات, والمأكولات من مختلف العالم, تابعونا على جروب “زاكي”:
كنافة على أصولها