المقادير:
3كاسات سميد ناعم جدا
نص كاسه زبده لورباك
نص كاسه سمنه بلديه
كاسه سكر
معلقتين حليب بودره
كاسة حليب سائل
ربع كاسة ماء زهر
ربع كاسة ماء ورد
جبنة موزريلا
فستق الحلبي
الطريقة:
– نذوب الزبده والسمنه بوضعها على النار.
– نخلط المواد التالية مع بعض وهي السميد والزبدة والسكر والحليب و نبسهم بايدينا جيدا.
– نغلي كاسة حليب سائل و ربع كاسة ماء زهر وربع كاسة ماء ورد و نضيفهم لخليط السميد و نحركهم بمعلقة الخشب و نخلي قوامها متل المهلبية, ممكن تحتاج لمزيد من الحليب حسب نوع السميد.
– نضعها بصنية الفرن و تكون غير لاصقة و ندخلها الفرن المحمى ع 220 بالرف الاوسط لمدة عشر دقائق الى ربع ساعة حتى تتشرب الحليب و تتنشف فقط دون تغير لونها.
– نخليها تبرد و بعدين نفركها بايدينا او عالخلاط نفتفتها.
– نرص 3/4 السميد بصنية مدهونة سمنة و نضع فوقها القشطة البيتية و نرش جبنة موزريلا عليها لا نوصل للاطراف
و نرش باقي السميد عالقشطة و نضغط عليها شوي و بخفة.
– ندخلها فرن محمى ع 180 عالرف السفلي مدة 20-30دقيقة او حتى يتحمر الاطراف نرفعها عالشواية و نحمرها ما بتوخذ وقت يدوب خمس دقائق انتبهيلها لا تتركيها.
– تسقى بنص كاسة قطر بارد و و نسمي بالله نقلبها بصنية اكبر من الي خبزنا فيها و نسقيها كاسة قطر بارد او حسب الحاجة و نزينها بالفستق الحلبي و نقدمها مع فنجان قهوة سادة.
– حجم الصنية 35سم اذا بتحبيها رفيعة اعمليها بصنية 40سم.
المقادير للقشطة البيتية:
3كاسات حليب سائل
3معالق سكر
5معالق نشا او ربع كوب سميد
علبة قشطة
ماء ورد و ماء زهر
الطريقة للقشطة البيتية:
– عالبارد بحرك الحليب مع السكر والنشا و بحطهم ثم نضعهم على نار متوسطة الحرارة حتى يتماسك.
– و بضيف باكيت قشطة قيمر و ماء ورد و ماء زهر و ممكن اضافة جبنة الموزريلا هون او رشها ع وجه القشطة بعد ما احطها عالسميد.
لمتابعة أفضل وأشهى الوصفات, نسعد بمتابعتكم لنا على جروب “زاكي” لفن الطهي:
كنافة السميد بالقشطة البيتية