كعاكيل اكله اردنيه وبالخطوات المصورة

كعاكيل اكله اردنيه وبالخطوات المصورة
معكم صديقة زاكي الشيف المميزة حنان السليتي

المقادير:
8 بيضات / 5 رووس بصل مفرومين/ منخلط زيت الزيتون مع زيت نباتي بمقدار كوب/ بيضه علشان نخلطها مع اللبن او منحط ملعقتين نشا الموجود/ مكعب ماجي/ طحين اسمر كوب ونصف/ طحين ابيض كوب ونصف / نصف ملعقه صغيره فلفل أسود/ رشة كركم/ كيلوا ونص لبن/ ملح /كوب بقدونس مفروم /

الطريقة:
(اول خطوه) منحوس البصل مع كوب الزيت ومنضيف عليه الفلفل والملح ورشة عصفره لحتى يذبل البصل . (الخطوة الثانية) بالخلاط الكهربائي منحط اللبن ومنضيف عليه البيضه او النشا ومنخلطهم مع بعض ومنحطهم في طنجرة

ومنزيد عليهم 3 كوب ماء ومكعب ماجي ورشة كركم وملح وملعقتين سمنه للنكهه وعلى الغاز منضلنا نحرك فيهم لحتى يغلوا حتى ما يفرط اللبن . (الخطوة الثالثه) منخلط البيض مع البقدونس

ومنضيف عليهم البصل الي ذبلناه ومنضيف عليهم الطحين الابيض والاسمر بالتدريج لحتى يتماسكوا ومنسقطهم باللبن بواسطة ملعقتين على حسب الحجم الي بدك اياه وهيك لنخلص كل الكميه ومنخليهم يغلوا مع بعض نصف ساعة رح يكبر حجمهم على دليل انهم استوا وازا بتحبوا تقدموا بجنبهم رز . الف صحتين وهنا.