معجنات الشيكولاته مع السكر البودره
المعجنات من الوصفات المحببة للجميع ومنها المالح والحلو وصديقتنا حنان السليطي تتعرض لنا صنف من المعجنات الحلوه يلا نشوف
معجنات الشكولاته بتزين السكر البودره
رح تنعمل على خطوتين
الخطوه الاولى…
2 كوب طحين// ملعقتين كبار خميره فوريه// ملعقه صغيره ملح //3 ملاعق كبار سكر// 4 ملاعق كبار حليب بودرة// 2 كوب ماء دافئ للعجن //منخلطهم مع بعض ومنتركهم تلت ساعه لتتخمر..
الخطوه التانيه..
منضيف عليهم 3 اكواب ونصف طحين// نصف كوب زيت نباتي// ملعقه كبيره بكمباودر// ومنعجنهم مع بعض ومنرد نخمرها ساعه وعند التشكيل منرد نلم العجينه مع بعض ليطلع الهوا منها
ومنشكلها ومنحشيهم بالشكل الي منحبه انا حشيتهم شوكلاته ساده
بعد التشكيل مندهن وجه الحبات بدبس التمر بيعطيها لون رائع بعد ما انحط عليه 3 ملاعق كبار دبس التمر مع 3 ملاعق كبار ماء ومنحطهم بالصينية وعلى الفرن اول شي من تحت ليتحمروا وبعدين منحمر الوجه…
ومنزينهم بالسكر البودره والقرفه..
