ملفوف جربيها ومارح تندمي ابدااا
معكم صديقة زاكي المميزة الشيف المبدعة TASNEEM AHMAD
المقادير
- رأس ملفوف
- معلقة صغيرة ممسوحة كركم
- بكيت كنور
- ومعلقة كبيرة نعنع ناشف
- ونص معلقة صغيرة بهار مشكل
- ونص معلقة صغيرة كمون
- ونص معلقة صغيرة فلفل اسود
- وفنجاان زيت قلي
- حبتين بندورة
- ٨ حباات ثومة فرم صغير
- ملح عالذوق
- الدجاج
- كاسة شاي زيت زيتون
الخطوات
اول شي بنعملو بنقور الملفوف من فوق زي ماهو امبين بالصورة بعدين بنجيب مي سخنة وبنضل نحط بالحفرة الي عملناها وبنتركها ربع ساعة
وبعدين بسهولة راح تطلع معك ورقة ورقة بعد هي بتكوني حاطة مي سخنة عالنار وبتسلقي الورق فيها مش كتييير يا دوب تفورلها مرة وبتقيميها
بتحطي عليه معلقة صغيرة ممسوحة كركم ونص بكيت كنور ومعلقة كبيرة نعنع ناشف ونص معلقة صغيرة بهار مشكل ونص معلقة صغيرة كمون ونص معلقة صغيرة فلفل اسود وفنجاان زيت قلي وبتكوني فارمة حبتين بندورة وفارمة ٨ حباات ثومة فرم صغير وطبعا ملح عالذوق لحد ماتحسي انو ملحو صار ممتاز وبتخلطيهم منيح
بالصور امبين عندك بتقطعي كل ملفوفة وبتبلشي تحشيهم
هلا بقاع الطنجرة انا بصراحة بحط اطراف الدجاج احنا بنسميها طلش الدجاج بتقطعي حبتين بندورة دوائر و٨ حبات ثومة وبتحطي اطراف الدجاج فوقيها وبتصيري تلفي وتحطي بالطنجرة وبس تخلصي بتحطي عالوجه كاسة شاي زيت زيتون ونص البكيت الي ضل من الكنور وملح تقريبا ملعقة كبيرة ممسوحة
بعددين بتضغطي الطنجرة وبس تبلش تصفر بتعينيلها عالعالي ٥ دقايق وبعدين بتوطيها على اخف اشي نص ساعة وبتطفي تحتها وبتخليها وبعد ربع ساعة بس يطلع كامل البخار بتفتحيها وبالهنا والشفا والصور بتوضح
