المقادير:
جبنة بيضاء
ملح
بيضة
مستكة
محلب
قزحة
الطريقة:
-نصنع الجبنة أو نشتريها وتكون طرية متل ما انتو شايفينها وهي اقراص كبير وبتحطي كل قطعة بملح على جميع الجهات وبتصفيها بالصينية لمدة 3 ايام عشان تنزل الماء.
– وبعديها بتتقطع مربعات صغيرة وبتكوني غليتي ماء جديد بتعبي الطنجرة ماء وبتضلي تحطي ملح وحطي بيضة بالماء واول ما تطفو البيضة بتوقف الملح.
– وبتحطي في شاش الجروح مستكة ومحلب واربطيها بخيط, و بتحطي الجبنة وﻻ تحركيها اول 4 دقايق وبعدين حركيها شوي شوي, وسيبيها تغلي لمدة 5 دقايق بس حاولي ﻻتعبي الطنجرة جبنة تنحط كميات قليلة عشان الجبنة تاخد راحتها وبعدين بتشيليها وبتحطيها بمصفاية والصورة موجودة واي ماء بتنزل من الجبنة ﻻ تكبوها ﻻزم تضل ورشي قزحة اول باول يعني رشي على الجبنة اللي بتطلع من المية والملح المغليين على طول وهي طريه.
تشاهدي في الصورة شاش جروح نظيف به المستكة والمحلب.
– بتكملي باقي الكمية لحد ما تخلص وسيبيها تبرد لتاني يوم الصبح, وتنبيه ماء الغلي ﻻ ينكب نحتفظ فيه لتاني يوم وبنحطو بالمرطبانات وفوقهم ماء الغلي اللي كلو ملح, وصحة وعافية.
تعلم طريقة صنع الجبنة على أصولها من هنا.
لمتابعة أشهى الوصفات بطرق عصرية ومميزة, تابعونا على جروب “زاكي”:
كيف تحفظ الجبنة النابلسية لأطول مدة ممكنة؟