كرسبي الدجاج الشهية
معكم صديقة زاكي المميزة Rasha Hamdan
كرسبي الدجاج
التتبيلة
فالخلاط بنحط (حبة فليفلة خضرة، بندورة، بصلة صغيرة، 4 فصوص توم، 3معالق كبيرة لبن ، معلقتين صلصة بندورة، معلقة كاتشب )
بعد مانخلطهم بنحط عليهم (بصل وتوم باودر، ماجي باودر، بابريكا حلوة او حارة، صويا صوص ، كزبرة يابسة، كاري، خردل، صلصة باربيكيو، خل )من كل شي معلقة صغيرة بنخلطهم مع بعض وبنتبل فيهم صدور الدجاج (انا قطعت الدجاج لنصفين بالعرض ودقيتها لتصير رقيقة )
بنخليهم فالتتبيلة يوم كامل او 3ساعات
وقت القلي بنحضر
بيضة ، طحين، كورن فلكس مكسر ،
بنحط الصدور اول شي فالطحين بعدين فالبيض بعدين فالكورن فلكس
وبنقليهم فزيت يكون حامي كتير على نار وسط مع التقلب
مابياخدو خمس دقايق فالقلي ﻷنه القطع رقيقة بيستوو بسرعة
وصحتين عافية
