القطايف البيتية شهية جدا و لا في أروع منها جربوها و ادعولي

القطايف البيتية شهية جدا و لا في أروع منها جربوها و ادعولي
معكم المميزة المبدعة بوصفاتها صديقة زاكي الشيف عبيدة ادبيس

القطايف البيتية …
نضع بابريق الخلاط الكهربائي كلا من :
كاستين طحين
كاسة الا ربع سميد
معلقة خميرة كبيرة
نص معلقة صغيرة باكنج باودر
معلقتين كبار سكر
معلفتين كبار حليب بودرة
رشة ملح و رشة كربونة
تلات كاسات ماء دافي وممكن نحتاج قدر فنجان قهوة من الماء
نضع الخليط على جنب يرتاح نص ربع ساعة تقريبا .ونسخن قلاية تيفال على العالي ولما تسخن نخلي النار وسط ونصب الخليط لا تتركي الفقاعات تختفي عالاخر وتتحمر الحمرة كتير .
نصيحة مهمة ..

لما تشوفي الفقاعات على حبة القطايع على النار كبرت معناته خديلك لفة صغيرة بالخلاط حتى تتكون فقاعات من جديد وبعدين كملي الحبات في القلاية عطول ..
عبيدة ادبيس …. صحة وعافية