المقادير

• ٩كاسات مي
• كاستين حليب
• كاستين سميد
• فنجان سكر
• معلقتين كباااار نشا
• واذا بتحبي حطي معلقة صغيرة فانيلة سائلة علبتين قشطة قيمر فستق حلبي
• مقادير القطر. ٣ كاسات سكر ٢كاسة مي نقط من الليمون

الخطوات

اول شي بنجيب طنجرة بنحط فيها مقدار المي والحليب وفنجان السكر والنشا وبنحركهم بمعلقة خشب بسرعة لحد مايختلطو..بعدين بنحط فوقهم مقدار السميد وبضلك تحركي لحد ماتجمد معك وتصير تطلع فقاعات هيك بكون الخليط جاهز

بتديري الخليط بسدر كبير طبعا حسب حجم ارتفاع القطعة الي بدك اياها..انا بحبها بهالارتفاع الي بالصورة فحطيت بسدر كبير او صينية

هسا بس يبرد شوي وتصير طبقة ماسكة عالوجه بتدهني بكيتين القشطة عالوجه وبتزيني بالفستق الحلبي وبتدخليها الثلاجة لتجمد والف صحة وهنا

ملاحظة: في الاجواء الباردة القشطة راح تكون جامدة وصعب تتعاملي معها بالدهن

اذاعندك ميكرويف ذوبيها شوي وبعدها ادهني

طريقة القطر::

بتجيبي اول شي كاسة سكر وبتديريها بطنجرة تيفال احسن عشان ماتتغلبي فيها وبتحرقيها لحد ماييصير لونها بني فاتح ويذوب السكر

بعدها بضيفي باقي السكر الكاستين وبتديري فوقهم كاستين المي..راح يجمد معك السكر ويصير يابس..بس تغلى المي برجع بذوب..وبس يغلى بتعينيلو ١٠دقايق وبتطفي تحتو وبتخليه ليبرد والف صحة وهنا

عند التقديم بتحطي كل قطعة بصحن وبتديري فوقها القطر حسب الرغبة