طريقة عمل المضغوط السعودي وبالخطوات المصورة
طريقة عمل المضغوط السعودي وبالخطوات المصورة
معكم الرائعة صديقة زاكي صاحبة الوصفات اللذيذة الشيف (man Qasem)
المضغوط
بعد ما نغسل الدجاج ونظفه بتبله بالبهارات المفضله عندك انا حطيت فلفل ملح وفلفل اسود وكزبره ناشفه مطحونه وكركم وكاري وبابريكا وبهارات مشكله
في قاع طنجره الضغط بحط بصل شرحات بندوره شرحات وفلفل اخضر واذا بتحبو حار ممكن تحطو كمان وممكن فليفله ملونه بنسفط الدجاج المتبل فوقها وما بنحط بالمي بالمره
ورقة غار وعود قرفه وهيل
بنسكر طنجرة الضغط بعد النصفير 10 دقائق وبنطفي
بنكون ناقعين كاستين رز بسمتي بنسلقهم سلق بنحط بالمي زيت وملح
بكون الدجاج صار مستوي بنضيف بطاطا شرحات وفوقهم الرز بنرش عليهم زعفران منقوع او اذا مش متوفر ممكن ورق عصفر منقوع
بعدين بنرجع بنسكر الطنجره كمان 10 دقائق
الصراحه حسب ما شفت بالوصفه انه بنرجع نضغطها وانا هون ما ضغطت خفت الرز بخبص
وطلع بشهي وكثير زاكي وعجب عائلتي وان شاء الله رح اكررها
^_^ و صحة و ألف هناء يا رب ^_^
