بندوره محشيه طيبه كتيير وبتشهي
معكم صديقة زاكي الشيف الموهوبة OM SHAM
المقادير
- بندوره حسب عدد الاشخاص
- لحمه مفروم ناعم
- بصله + قرن فلفل اخضر +سنين توم
- ربع ضمه بقدونس وربع ضمه كزبره
- ملح وفلفل وشبت ناشف
- بيضه
الخطوات
منغسل البندوره ومنقسم القسم يلي فوق ومنحتفظ بالغطا بمعلقه منفرغ قلب البندوره منخلص الكميه ومنجهز الحشوه منفرم البصل والفلفل والبقدونس والكزبره ومنهرس الثوم ومنضيفن فوق اللحمه مع بيضا وملح وفلفل وشبت منخلطن منيح
ومنحشي حبات البندوره منصفن بطبق الفرن ومنجيب كاسه مي منضيف عليها سنين ثوم ومعلقه نعنع ناشف ورشه ملح ومنحطا فوق البندوره منغطيا بقصدير ومندخلوا الفرن على حراره 180لمده نص ساعة و صحة وهنا للجميع ملاحظه ممكن تقديما مع رز بشعيريه
