المقادير

• كيلو بطاطا حجما وسط
• نص كيلو لحم مفروم
• بصلتين
• ملح وفلفل وبهار مشكل
• معلقه كبيره صلصله بندوره ومكعب ماجي وكاستين مي

الخطوات

منقشر البطاطا ومنشيل القسم من فوق ومنحفرا بس نشيل القلب ما نزيد بالحفر بعدين منقليا نص قليه منصفيا منيح من الزيت ومنجهز الحشوه منفرم البصل ومنشوحو على النار ليدبل منضيف اللحمه المفرومه

وبس تستوي منضيف رشه فلفل منتركا لتبرد منحشي البطاطا (ملاحظه لب البطاطا انا قليتو كمان وحطيتو قاعده تحت البطاطا )زاد عندي شوية من الحشوه زدت عليها معلقه كبيره صلصله بندوره ومكعب ماجي وكاستين مي خليتن يتسبكو وضفتن فوق البطاطا وغطيتا

وعلى الفرن نص ساعة وتقدم مع رز بشعيريه وصحه وهنا للجميع(في حال مازاد حشو على النار حطي معلقه سمنه وفوقا معلقه صلصله بندوه وكاستين مي وملح وفلفل ومكعب ماجي وخلين يغلوا كمان بنفس الطريقة وبتحطين فوق البطاطا )