كيكة طبقات القرفة الشهية و فخمة جدا في التقديم

كيكة طبقات القرفة الشهية و فخمة جدا في التقديم

معكم صديقة زاكي المميزة و المبدعة دائما الشيف المتألقة (عبيدة ادبيس)

كيكة طبقات القرفة..

الطريقة :
حطي 4 بيضات واربع باكيتات فانيلا وبرش ليمونة واخلطي منيح.. وكاسة حليب سائل ونص كاسة زيت وكاسة سكر واخلطيهم منيح حتى يطلع فقاعات ويصير لونه مايل للابيض …

وبعدين ضيفي كاستين طحين وباكيتين باكنج باودر واخلطي …
ادهني القالب بطحينية وحطي مقدار مغرفتين شوربة من خليط الكيك وحطيه بفرن محمى قبل بوقت على حرارة 170 تقريبا من تحت 10 دقائق ..

بتكوني محضرة بصحن معلقة كبيرة سكر بودرة ومعلقة كبيرة قرفة وحطيهم على وجه الكيكة وحطي فوقيهم مقدار مغرفتين من خليط الكيك بس شوي شوي ورجعي الصينية عالفرن بس شغليه من فوق وكرري الخطوات لحتى تخلص كل كمية الكيك وما بوخد وقت بالفرن ….

تقريبا عملت انا 4 طبقات من الكيك .. وبس تبرد حطي فوقها شوكولاته سايحة شوي وبعود اسنان اعملي شكل فيها ورشي كاكاو ..وصحة وعافية .. عبيدة ادبيس