الكبة كتير شهية جربوها على طريقتي و ادعولي

الكبة كتير شهية جربوها على طريقتي و ادعولي

معكم الرائعة صديقة زاكي الشيف الماهرة ( Siham Awadat )

المقادير :

كيلو برغل ناعم
كيلو لحمه هبره حمره
كيلو لحمه مفرومه مع دهنه او ليه او بدو
3 بصلات
بهارات كبه

الطريقة :
بنحط السميد بجاط وبنرش عليه مي دافيه وبنخليه نص ساعه بس كل 10 دقايق رشي مي وحركيه لازم يكون مبلول مش ناشف
بمقلاه بنفرم البصل فرم ناعم وبنحط عليه شويه زيت وع الغاز لغاية ما يذبل بنحط اللحمه ابمفرومه وينقليها بتحطي سنوبر مقلي ع اللحمه ( اختياري) بنحط عليها كمون وفلفل
بنرجع للبرغل بنحط عليه بهارات الكبسه واللحمه (هبره حمره) وملح وبنضل نعجن فيه لغاية ما يصير متل العجين وبنكبكبه
يا بتقليه او بتحطيه بلبن
كيلو لبن مع كاسة شنينه او مي بالخلاط وبنحط عليهم كمون وفلفل ابيض او اسود ومعلقة عصفر وكمون بعدين بطنجره ع الغاز وبس يباش يغلي بنحط حبات الكبه وبنخفف النار عشان ما يشعط اللبن وبنضل نحرك باستمرار تحريك خفيف بمعلقه خشب وخليه ثلث ساعه بعدين ذوبي معلقتين نشاء بشوية مي وبنحطه ع اللين عشان يتقل اللبن .

و صحة و هنا ^_^