برش الليمون والبرتقال مطيبات للكيك طريقة سهلة و حاجة أكتر من روعة

برش الليمون والبرتقال مطيبات للكيك طريقة سهلة و حاجة أكتر من روعة
معكم المبدعة و المتألقة صديقة زاكي الشيف المميزة Oumaima Hakim

بما انو موسم الحمضيات استفيدي من قشر الليمون والبرتقال وعملي برش الليمون والبرتقال مطيبات للكيك وبعض الحلويات و المخبوزات انا كنت اشتري ظروفي جاهزي للكيك على ليمون الحامض والبرتقال وشفت المحتويات الظرف تحتوي على سكر وبرش ليمون اوحامض

انا عملت تقريبآ عشر حبات من الليمون وعشر حبات برتقال انتي بدك تعصري برتقال مثلآ او حامض اغسلي الحمضيات ونشفيهن وبعدين على انعم مبرشة عندك ابرشي بس فقد القشرة الخارجية الصفراء او البرتقالية من دون ماتاخدي القشرة البيضاء لانو القشرة البيضاء بتمرمر ابرشي

وحطي معاهن نصف كوب من السكر وهون بتخلطوهن كتير منيح وبتشوفو انو صارو رطبين هيدا طبيعي لانو السكر بيسحب الماء يلي بلبرش بتفردوهن على صحن واسع او صنية وبتمدوهن وبتتركوهن مكشوفين بي حرارة المطبخ او بيمكان مافي رطوبة او غبار وكل كم ساعة بتلاحظو بلشو ينشفو

ويرجع السكر يعمل كرستال وبيكون السكر تشرب من زيوت يلي طلعت من القشر البرتقال او الليمون هيك كم يوم مع التقليب بيصيرو جاهزين ممكن بلكيس بتحطوهن وفيكن تطرقو عليهن حتى يتفكك السكر او بي مطحنة

بس مع ملاحظة ما يكون في اثار للبهارات او اثار الثوم او بي هاون الرخام لانو مابيعشق وهيك بيكون عندكن اطيب واحلا مطيب طبيعي للكيك شغل البيت وريحتو وطعمتو روووعة ويحفظ في علب محكمة الغطاء او مرطبان بخزانة المطبخ

المقادير :
10 حبات ليمون
نصف كوب سكر
10 حبات برتقال
نصف كوب سكر

الطريقة التحضير :
اغسلي البرتقال جيدآ ونشفية جيدآ ثم ابرشي البرتقال او الليمون بي مبرشة ناعمة جدآ ثم ضعي السكر الحبيبات (سكر الشاي ) وخلطي السكر مع البرش جيدآ وافرديهن على صنية او صحن مسطح واتركيهن في حرارة المطبخ بعيدآ عن الرطوبة والغبار

وستلاحظين ان السكر صار متل القطر من السؤال يلي بزلتها القشور لانو السكر بيسحب السؤال و كل كم ساعة بتحركيهن وبتفرديهن هيك لمدة ثلاث ايام او اكثر او اقل حسب الكمية وحرارة المطبخ حتى من اول يوم ستلاحظين ان السكر رجع يعمل كرستالات هيك حتى ينشف تمامآ

بتحطيهن بي كيس او هاون ويدق حتى ينعم ويرجع الحبيبات السكر ناعمة وهيك بيكون جاهز للإستعملات ويحفظ في مرطبان او علب محكمة الغطاء حتى يحافظ على النكهه ويحفظ في خزانة المطبخ بعيدآ عن الحرارة
ملاحظة هامة :
ممنوع يتنشف في الميكروويف لانو السكر بيحترق ويتحول الى كراميل
مع تحياتي
Oumaima Hakim