المقادير

• كيلو لحمة كفتة
• زيت زيتون
• ٤ حبات بطاطا حجم وسط
• عصير ليمونة ونص
• ٦معالق طعام طحينية
• معلقة صغيرة بهار مشكل معلقة صغيرة فلفل اسود معلقة صغيرة هيل بكيت كنور(ماجي) نص معلقة صغيرة كاري ملح حسب الذوق
• ماء زيت للقلي

الخطوات

اول شي بنخلط اللحمة مع نص بكيت الكنور ونص كمية البهارات المذكورة وملح حسب الذوق

بعدين بنكورهم زي ماهو بالصورة وبنحط عليهم شوية زيت زيتون وبنحمرهم عالوجهين

بعدين بنحط بشاف الخلاط الطحينية والليمون وباقي كمية البهارات وملح حسب الذوق وماء لحد ما يمتلى عندي شاف الخلاط وبنخلطهم منيح تقريبا دقيقة وبنرجع نعبي كمان نص الخلاط مي وبنخلطهم منيح طبعا المي دافية عشان ماتفرفط معك الطحينية

وبس ينخلطو منيح بتحطيهم عالنار في صينية لحد ما يغلو بتحطي فوقهم اللحمة وبتكوني قالية بطاطا نص قلية وبضيفيهم فوقهم وبتخليهم يغلو شي ربع ساعة لثلث ساعة وبعدها بتحمريهم والف صحة وهنا

ملاحظة: بس تغلى الطحينية عالنار وبين عندك انو الطحينية فرفطت يعني انفصلت عن المي بتقدري ترجعي تخلطيهم عالخلاط وبرجعو ينخلطو ولا اسهل من هيك وبعدها بتحطي فوقهم اللحمة والبطاطا