دحدح على طريقتي ..
معكم صديقة زاكي المميزة الشيف Um khaled
المقادير
- العجينة عبارة عن:
- 4 كاسات سميد
- كاسة طحين
- نص كاسة سكر
- 4 ملاعق حليب
- ملعقة بيكنغ باودر
- ملعقة فانيلا
- ملعقة خميرة
- نص ملعقة صغيرة كركم
- كاسة ونص زيت نباتي
- من نص كاسة .. لكاسة ماء دافي (حسب نوع السميد في سميد بياخد مي كتير وفي سميد لا)
- مكونات الحشوة :
- كوبين سميد
- كاسة جوز هند
- 4 ملاعق قرفة
- نص كوب جوز قلوب
- كاسة سكر
- نص كاسة ماء او اقل لحتى تصير عجينة مفرولة بتتفتفت
الخطوات
اول شي العجينة: بنخلط النواشف مع بعض بعدين نضيف الزيت وبنفرك المكونات منيح .. بنضيف الماء لحتى تتكون عنا عجينة طرية
بنجيب صينية فرن بنفرد فيها نص العجينة
بعد هيك بنحضر الحشوة (بنخلط كل المكونات مع بعض) وبنفرد الحشوة فوق العجينة
واخر شي بنفرد اخر طبقة واللي هي نص العجينة اللي بقيت عنا .. بنقشها بشوكة او ملقط المعمول بعدين بنقطعها وبنخليها ترتاح ربع ساعة
بندخلها فرن حامي على درجة حرارة 200 بتاخد تقريبا نص ساعة ..بنحمرها من فوق وبتصير جاهزة.
وصحتيين وعافية
