طريقة عمل أطيب كيكة في الوجوووووود و أزكى من المطاعم جربوها و ادعولي
طريقة عمل أطيب كيكة في الوجوووووود و أزكى من المطاعم جربوها و ادعولي
معكم صديقة زاكي الرائعة صاحبة أفخم و أطيب و أروع و ألذ الوصفات الشيف الماهرة ( أنس آلروح )
اولا : احب اقول بس للناس اللى بتقول عمايلها غالبة ومتعبة واشتريها احسن للاسف كلام مش صح لان عمايل ايديكى احسن من 100 محل حتى لو فشلت معاكى مرة هتنجح المرة الجاية ولو فى ترتيب مش هتتعبى فى عمايلها خالص بتجهزى الكيكة من قابلها بيوم وتشترى طلباتك وتانى يوم بتجهزى الحاجة وتبدائى بترتيب
ثانيا: باخد الصورة على الموبايل لمحل خامات الحلويات بيطبعها على الكمبيوتر بعجينة السكر بتكون صالحة للاكل عادى
وفى حد قالى لو عندك الصورة بتلفيها باسترتش وبتحطها على التورتة ووقت الاكل بتشلها بس انا مجربتش
.
ثالثا :انا عملة التورتة نصين بسمبكسة فى نفس الصنية وهوضح ازاى فى الطريقة لو فى حاجة مش واضحة معاكم فى الكومنتات
طريقة الكيك نصها فانيلا ونصها شكولاتة
ببطن صنية مقاس 30*90 سم واشغل الفرن
بنخل 2 كوباية دقيق على ورقة
9 بيضات فى طبق واسع شويتن وعلية نص ملعقة صغيرة فانيلا و3ملاعق محسن جيل و2كوباية سكر ناعم الحبيبات بس مش بودر وفنجان صغير ماية دافية ونضرب بالمضرب الكهربائى واضيف نص كوباية دقيق كل دقيقتين هتلاقى الخليط بيزيد وبيعلى وبقا كريمى معاكى متزديدش عن 8 دقايق
بقسم الخليط فى نصين فى طبق تانى بحط على طبق نص كوباية دقيق منخول واقلب براحة من تحت لفوق لحد ميتجانس الدقيق مع الخليط كويس اوى
وعلى الخليط التانى نص كوباية كاكاو واقلب بشويش من تحت لفوق عشان منخرجش الهوا اللى فى الخليط
.. بميل الصنية بجنب واصب الفانيلا وبفرد بحيث انة ياخد نص الصنية بزاوية سمبكسة يعنى واصب الخليط التانى من الزاوية التانية بحيث ان لما افردها تتقابل مع التانية معلش لو مش عارفة اوضح اوى(هحاول اوريلكم صورة ) بساوى الوش بالاسبتيول وتدخل فرن 180َْ/200درجة فى الرف الوسط مفتحش عليها خالص و بختبرها بعد 35 دقيقة لو لسة بتاخد 10 دقايق كمان حسب قوة فرنك
واختبرها تانى لحد ماتستوى بقفل الفرن واسيبها جوة الفرن تهدا عشان متهبطش من الهوا حوالى 15 دقيقة بطلعها من الصنية بحذر تام لانها هاشة جدا وبحطها على شبكة تتهوى ولما تبرد اشيل الجناب والقعر سمك بسيط مجرد تقشير وبقسمها على 2 او 3 واحطها فى الصنية تانى واغلفها بشنط كبيرة او استرتش لتانى يوم بتكون جاهزة للتزين ?
.
.
.
تانى يوم
_بجهز الفواكة اللى هزين بيها واغسلها كويس وتتصفى من المية واجهز كيس الحلوانى والبلابل بتعتى
_وبجهز الجناش الابيض
عبارة عن نص كوباية كريمة خفق او كريمة لبانى معها كوباية شكولاتة بيضا مبشورة حوالى تمن كيلو معلقتين زبدة انا بستعمل (فيرن)
بحط الكريمة على النار واول ماتغلى اصبها على الشكولاتة المبشورة والزبدة واسيبة يبرد يعنى انا عملت جناش ابيض
و بضرب ربع كيلو كريم شانتى بكوباية لبن متلج واضيف علية الجناش الابيض وانا بضرب هتلاقى القوام اختلف جداوالكريم شانتى تقل جدا بدخلة التلاجة يمسك اكتر (للكيك الابيض)
_كريمة الشكولاتة
بضرب ربع كيلو كريم شانتى بالسكر بكوباية لبن متلج حتى يغلظ ويتامسك قوامها
بجهزالجناش البنى
كوباية كريمة خفق او كريمة لبانى وكوبيتن شكولاتة بنى خام مبشورة و4 ملاعق زبدة كبار
بحط الكريمة على النار اول ماتغلى اصبها على الشكولاتة المبشورة والزبدة واسبها تبرد واضيف شوية بشوية من الكريم شانتى وبقلب براحة زى الكيكة عشان مخرجش هوا الكريم شانتى لحد ما اوصل لطعم واللون اللى انا عايزاة فى الكريمة وانا ضفت عليهم بندق مجروش ناعم (للكيك البنى)
_التزيين بقا⤵️
بتقلبى الكيك يعنى بحط الوش تحت والقعر لفوق عشان بيكون متساوى اكتر من الوش
بسقى الكيك عصير او كمبوت او سيرب بفرشة بكمية بسيطة لحد ما اسقى الطبقات كلها وافرد كمية مناسبة من الكريم شانتى على نص الكيك الفانيلا
ونص كيك الشكولاتة عملتة نسكويك بالبن وسقيت الكيكة بية وفردت كمية من كريمة الشكولاتة
واحطت عليهم طبقة من الكيك واسقى بالعصير واحشى طبقة كريم شانتى للفانيلا واسقى نسكويك واحشى كريمة شكولاتة لكيك الشكولاتة
لحد اخر طبقة بغلف الكيك كلة نصة بالكريم شانتى الجناب بشرشرها بسكينة المنشار او بقطعة الفت واساوى الوش بضهر السكينة والنص التانى بغلفة بكريمة شكولاتة والجناب حطتلها بندق مجروش واساوى الوش بضهر السكينة وتدخل التلاجة 3 ساعات تمسك نفسها والكريم شانتى يجمد اكتر وساعة التقديم بفرد الصورة فى النص واعمل وردات بكيس الحلوانى وبزين فى الاخر بالفواكة
بس الاحسن للصورة عشان تطلع احسن من كدة افردى تحتها طبقة من عجينة السكرلونه ابيض بنفس مقاس الصورة
لان هى دى كانتى غلطتى الوحيدة ان الكريم شانتى كان بين تحت الصورة
صدقونى هى سهلة جدا والكلام كتير عشان اوضح على قد مااكتر بالنسبة للتكلفة انا كنت بشترى كل فترة حاجة عشان لما اجى اعملها متكلفنيش كل حاجة ف وقت واحد يعنى مثلا بشترى الكريم شانتى ومرة تانية الشكولاتة ومرة تانية الدقيق وامحسن والفانيلا مش هتحسى بتكلفتها
لو استفدتم مش عايزة غير ↪️
#دعوة_حلوة?
^_^ و صحة و هنا ^_^