المقادير

• كيس ونص معكرونه كوع
• لتر وربع حليب
• 4 معالق كبار معبيين طحين
• 3 معالق زبده كبار
• جبنه موزاريلا مبشوره
• للحشوه:
• لحمه مفرومه
• علبة دره
• علبة فطر
• بصله كبيره
• ملح
• فلفل اسود
• قرفه
• هيل
• زنجبيل

الخطوات

بتسلقي المعكرونه متل ما مكتوب عالكيس

بتجهزي الحشوه بتفرمي البصل بتقلبي بالزيت بعدين بضيفي اللحمه بعدين البهارات المذكوره بالمقادير وملح

بعد بعشر دقائق بتضيفي الدره والفطر لتستوي اللحمة وبطفي عليهم

بتجهزي البشاميل بتدوبي الزبده بعدين الطحين مع الخفق بعدين الحليب بحرارة الغرفه لحد ما يغلي ويتسبك

ازا تكتل معك لا تخافي بس يبرد شوي حطي الخليط بالخلاط

بعدين بطبقيها طبقات متل الصور وعالوجه موزاريلا

وبندخلها الفرن عشر دقائق

وصحه وهنا

إن شالله تعجبكم