كبه من غير ماكينه على طريقتي الخاصه
معكم صديقة زاكي المميزة الشيف فلسطين
المقادير
- 3 كوب برغل ناعم
- 5 كوب ماء ساخن
- حبتين بطاطا حجم متوسط مسلوقين مقشرين مهروسين
- 100 غرام لحمه هبره ناعمه
- بهار كبه او
- مردقوش
- برش ليمونه
- نعنع ناشف
- ملح
- رشة فلفل اسود
- وكمون للحشوه:
- لحمه مفرومه
- بصل مفروم
- بهار مشكله
- قرفه
- هيل
- فلفل اسود
الخطوات
طبعا لا غنى عن الطريقه التقليديه للكبه في بلاد الشام بس هاي طريقه سهله وسريعه خصوصي للي ما عندها ماكينة لحمه ان شالله تعجبكم
اول شي بتطحني البرغل بمطحنة القهوه أو البهارات
بعدين بتنقعي بالمي السخنه ليتشرب كل المي وعطول أعجنيه وهوه لسه دافي كانك بتعجني عجين
اضغطي منيح حتى تنطرى حبات البرغل منيح بدها 10 دقايق
بعدين بضيفي البطاطا واللحمه والملح والبهارات وبرش ليمونه ونعنع ناشف اختياري
بتعجنيهم للتكون عجينه متماسكة ممكن تحتاج مي العجينة علشان هيك بتحطي بصحن مي بارده وخلال العجن بترشي مي شوي شوي
وبتجهزي الحشوه بتقلبي البصل واللحمه بالزيت واالبهارات وبس تستوي بتصفي من زيتو منيح وبتحشي الكبه بالطريقه المعتاده
اللحمه بالعجين بس لضمان تماسك العجينه والبطاطا بتساعد عتماسكها وبتخلي لونها دهبي وبتعطيها نكهه طيبه كتير
اما البهارات اختياريه الي ما بتحبو فيكم تلغو وصحه وهنا
ان شالله تعجبكم