معمول بسميد بيشهيى
معكم صديقة زاكي المميزة الشيف om sham
المقادير
- اربع كاسات سميد ناعم
- كاسه طحين
- كاسه سمنه
- كاسه زبده
- دقه المعمول
- محلب
- ربع معلقه خميره
- كاسه سكر ناعم بودره
- نص كاسه حليب دافي
- ربع كاسه ماء زهر ومعلقتين سمن عربي او سمن نكهتو طيبه
- للحشو تمر او جوز حسب الرغبه
الخطوات
منخلط السميد مع الطحين ومنحط فوق السمنه والزبده بعد ما نذوبن عنار خفيفه جداومنحط السكر ودقه المعمول والمحلب ومنفرك باطراف الاصابع ومنخلي ليله كامله
تاني يوم منضيف رشه الخميره مع ماء الزهر والحليب ومعلقتين السمن العربي ومنحركن بدون عجن
منجيب كاسه مي دافيه ومنكفي عجن المعمول بس مانكتر مي ولا نبالغ بالعجن
مجرد رش منرش المي تقريبا اخد معي تلت ارباع الكاسه اذا كان سميد خشن ممكن ياخد اكتر
منتركو نص ساعه قبل مانشتغل فيه
الحشو انا عملت نوعين نوع بتمر ونوع بجوز والاختيار الكن طبعا
التمر عجنتو مع زبده وقرفه وهيل
والجوز مع قرفه ومعلقتين قطر
منحمي الفرن منيح تقريبا على 200ومنخلي الفرن شغال من فوق وتحت مشان النقشه ماتتغير مجرد مانشوف اخد اللون الدهبي الحلو منطالعو من الفرن
يرش بالسكر الناعم عند التقديم
صحه وهنا للجميع
