المقادير

• دجاجة حجم وسط منضفة منيح من غير ما نشيل الجلد عنها
• ملعقة كبيرة ملح… عصير حبتين ليمون كبار…. 5 سنون ثوم مهرووس…. ملعقة كبيرة خل ابيض….. ملعقة كبيرة شطة حمرا…….. ملعقتين كبار زيت…….. ملعتين كبار لبن…. ملعقة كبيرة برش زنجبيل…
• البهارات : فلفل اسود ملعقة صغيرة.. كاري ملعقة صغيرة .. بهارات مشكلة ملعقة صغيرة .. بهارات مشاوي ازا متوفرة .. ملعقة صغيرة بابريكا حارة..
• طبعا ممكن تتبيلتك الخاصة مش بالضرورة تلتزمي بهي التتبيلة ممكن تضيفي الشغلات اللي بتحبيها على الدجاج ..

الخطوات

بنخلط مكونات التتبيلة مع بعض ..

بننقع الدجاجة بالتتبيلة ليلة كاملة او اقل اشي 6 ساعات.

تاني يوم بنجيب قنينة بنعبيها بالماء وبنحط عليها الدجاجة وبنحطهم بصينية وبنصب التتبيلة اللي ضلت عنا فوق الدجاجة بنربط ارجل الدجاجة بخيط

بنفوتها فرن حامي ونصب ماء بالصينية وبدنا ننتبه ان الماء ما ينشف بدنا نضل نزيده كل ما ينقص .. اول ربع ساعة 200 درجة بعدين بنخفضها ل 170 درجة بدها ساعة ونص لساعتيين …. طبعا ازا الجاجة اكبر بدها وقت اكتر.

صحتيين وعاافية ..