الخطوات

صدورة جاج بنضفها وبقطعها شرائح من الليل او قبل بكام ساعة بحطهم بالتتبيلة اربع سنون توم مهروسين وفلفل اسود وملح وبهارات شورما وعصير نص ليمونة وملعقتين خل وثلاث ملاعق لبن وملعقة بابريكا

وبحط زيت زيتون بالمقلاية وبحط الجاج والتتبيلة فوقو وبخلي يستوي هيك جاهزة اطيب شورما ..

مقادير المايونيز كاسة حليب تقيلة واربع سنون توم ورشة ملح وعصرة ليمون بخلطن بالخلاط وبنزل من باب الخلاط زيت ليجمدو ..

بلف الشورما بخبز لشراك وبحط معن مخلل وبطاطا مقلية وبلفن اذا مو موجود مكبس الخبز بحط نقطة زيت بمقلاية وبحمر السندويشة من الجنبين مع الكبس عليها بالمعلقة لتتحمر تمام وصحتين والف عافية