همبرغر لحمه تصنيع منزلي بكل الخطوات ولا أزكى من هييييييك
همبرغر لحمه تصنيع منزلي بكل الخطوات ولا أزكى من هييييييك
معكم صديقة زاكي المبدعة و المتألقة بأجمل الوصفات و أشهى الاكلات الشيف ( Nsren Nano )
يسعد اوقاتكن صبايا همبرغر شغلي من الالف للياء خبز الهمبرغر واللحمه والمايونيز والكاتشب والاضافات للسندويش اختياريه حسب الرغبه تابعوني مع الطريقه
همبرغر لحمه تصنيع منزلي بكل الخطوات
************
خبز الهمبرغر
المقادير
اربع كاسات طحين
ملعقه طعام سكر
3ملاعق طعام حليب بودرة
ملعقتين طعام لبن زبادي
رشه ملح
ملعقه وربع خميرة بملعقه الطعام
ملعقه صغيرة بكم بودر
3 ملاعق طعام زبدة
كاسه ونصف ماء فاتر وممكن اكتر او اقل حسب حاجه العجينه
لدهن الوجه (ملعقتين عسل مع ملعقتين ماء ورشه نسكافيه او بيضه مخفوقه مع نسكافيه )
حبه بركه وسمسم
الطريقه
نضع نصف كاس ماء فاتر مع الخميرة والسكر في وعاء ونتركها خمس دقائق
في وعاء نضع الطحين والملح والبكم بودر وحليب البودرة ونخلطهم ثم نضيف الزبدة السايحه ونخلط المكونات ثم نضيف مقدار الماء مع الخميرة ونخلط ونبداء بعدها باضافه الماء بلتدريج والعجن لتصبح عجينه طريه لاتلصق بليد نعجنها عشرا دقائق تقريبا ونغطيها نتركها ترتاح ساعه
ثم نقسمها خمس او ست كرات ونفرد الدائرة قرص بليد ونغلقه للاسفل ليصبح كرة ونضعه بلصينيه المدهونه زيت ونغطي بنايلو ونريحه ساعه الهدف ادخال الهواء للعجينه لتنفش وتصير طريه وهشه
ثم نمسح الوجه بفرشاه بخليط الوجه ونرش حبه بركه وسمسم وندخله لفرن على درجه 250 بس من تحت ليشقر بعدين منشغل فوق ليحمر الوجه بدن نص ساعه تقريبا منطلعن ومنغطين ببشكير المطبخ بس منحط البشكير من دون لفو عليهن منتركن ليبردو ومنقص بلنص ومنحشي
*************
اللحمه نحضر نصف كيلو لحمه ناعمه فيها شوي دهنه منضيف عليها ملعقتين كاتشب ملعقه صغيرة دبس رمان وملعقه صغيرة صويا صوص او لاء فيكن تستغنو عنو ومنضيف اربع ملاعق طعام بقسماط وبصله صغيرة مبروشه ناعم ومصورة من المي وبودرة ثوم وكاري وفلفل وملح وحفنه جبنه مبروشه نوع قليل الملح انا حطيت موزاريلا ورشه زعتر بري ومنعجن اللحمه عجن بايدنا مع المواد المضافه ومندخلها للبراد ربع ساعه لتسحب النكهات وتتماسك
بعدين منطلعا ومنشكل بايدنا كرات ومنفرد الكرة قرص ومنشويهن على الشوايه او مقلايه فيها ملعقتين زيت عادي مع تقليب اللحمه للجهتين كل شوي لتستوي من دون مانضغط عليها من الوجه مشان نحتفظ بلعصارة وتضل طريه ومنشوي كمان بصل حلقات وفطر وبندورة
الحشوة
منجيب الخبز منهن قلبو مايونيز وخردل وكاتشب حسب رغبتكن بتحطو للدهن وبعدين منحط بصل وفطر وبندورة مشويه وبعدها اللحمه وفوق اللحمه شريحه جبنه وبعدها خس ومنسكرها بلنصف الثاني من الخبز والف صحه وهنا
المايونيز والكاتشب نزلتا سابقا
ملاحظه ممكن نشرب نصف الخبزة بلعصارة تبع اللحمه من الشوايه او المقلاه وبعدين نضيف الموادNsren nan
