المقادير

• 2 كيلو صدر دجاج مخلي عظم وجلد
• جبنه موزاريلا وجبنه شرائح شيدر
• فطر معلب او طازج
• سلامي مدخن
• ملح وفلفل
• اربع بيضات وكاستين بقسماط

الخطوات

منغسل فيليه الدجاج بخل وملح ومنخلي يصفي المي وبعدا منحطو بكيس نايلون ومندق عليه لحتى يصير رقيق منحط ملح وفلفل

منحط الفيليه بكيس ومندق عليه بالمطرقه الخاصه باللحم بس بدون مانخلي يتنتف منخلص كل الكميه ومنجهز الحشو

منحط الجبنه الشيدر فوقا السلامي وفوق الفطر واخر شي منحط الموزاريلا

منلفا ومنسكرا بعود خشبي

منخلص الكميه ومنحطا بالبراد حتي يتماسك اللحم معنا

بعدين منطالعن ومنغمسن بالبيض وبعدا البقسماط ومنرجعن على الفريزر اقل شي ربع ساعة قبل القلي

مشان الجبنه ماتذوب فورا من حرارة الزيت

منحطا بزيت حامي وسط بدا من 12ل 14 دقيقه

منصفيا منيح

تقدم مع الخضار السوتيه او الصوص الابيض

ممكن اضافه شرايح الزيتون للحشو

صحه وهنا للجميع