طريقة عمل البفاريا حلوى باردة واقتصادية احفظوها على جوالاتكم
طريقة عمل البفاريا حلوى باردة واقتصادية احفظوها على جوالاتكم
البفاريا:👌😋 زاكية كتير من المميزة Øm Wâŝëëm
مكونات أول طبقة: (صينية وسط)
كيس ونص بسكويت سادة بتصفيه بصينية وسقيه بنسكافيه او حليب حسب رغبتك
حطي بطنجرة ع الغاز ٣كاسات مية و عليهم ٦ملاعق حليب بودرة و ٦ ملاعق سكر و٦ ملاعق طحين وفانيلا وحركي منيح بشكل سريع حتى ما يتكتل معك وبس يبدى يتقل ضيفي ربع قالب زبدة وشوية ماء ورد وحركي منيح حتى تذوب الزبدة و بس يبدى يغلي ضيفي بيضة وحركي بشكل سريع حتى تختفي البيضة (يمكنك الاستغناء عنها) وارفعيه عن الغاز واسكبي هالخليط فوق البسكويت واستني تبرد شوي واعملي تاني طبقة
تاني طبقة :
٣كاسات مية و ٤ملاعق حليب بودرة و ٥ملاعق طحين و ٦ملاعق سكر وفانيلا وبيضة وربع قالب زبدة ومعلقتين كبار كاكاو مر وكملي (نفس خطوات اول طبقة) وحطيها في الثلاجة .. وزينيها حسب الرغبة .. وصحتين
ملاحظة:✍
ازا حصل وكتل معك الخليط حطيه بالخلاط ورجعيه ع الغاز تاني او ممكن تحطي المكونات وتخلطيهم سوا بالخلاط قبل ماتحطيهم ع الغاز الي برييييحك 
